VOV4.Sedang - Kơ lơ 27/5, a tíu pêi cheăng Chin phuh, pôa Vũ Đức Đam, Ngế pro xiâm phŏ hnê ngăn Chin phuh, Ngế pơkuâ hnê mơhno dêi tơnei têa ‘na hbrâ mơdât pơreăng COVID-19 ai rôh trâm mâ mơ’no tơdrêng tung um tơvi ƀă mâu kăn dêi Pơlê kong kân Hồ Chí Minh ‘na tơdroăng pơreăng tâ tú ƀă mâu troăng hơlâ hbrâ mơdât pơreăng COVID-19.

Riân troh 10h hâi lơ 27/5, Pơlê kong kân Hồ Chí Minh tối ai tơ’nôm mâu ngế dương tính roh má 1 tơdjâk khu Khu hnê mơhnhôk tơdroăng khôp Phục Hưng, pro kơxô̆ mơngế dương tĭnh tâk trôh 25 ngế.  Klêi châ ‘nâi tíu tâ pơreăng ki nếo, mâu khu cheăng plâ mơdât hiăng thế klâ krê, gâk ngăn tâ tá. Nôkố, mâu ki cheăng hbrâ mơdât hiăng mơnhên tối ai 70 ngế F1 ƀă 336 ngế F2.

Pôa Vũ Đức Đam, Ngế pro xiâm phŏ hnê ngăn tơnêi têa hôp mơ’no tơdrêng tung um tơvi ƀă Pơlê kong kân Hồ Chí Minh

A hneăng hôp, pôa Vũ Đức Đam thế Pơlê kong kân Hồ Chí Minh hbrâ rơnáu mâu tơdroăng mơdât pơreăng tơtro, kal thế veăng kơjo kum ăm ‘nâi tơdroăng, tôí tơbleăng, Chin phuh, mâu khu xiâm, kơvâ cheăng kô tơrŭm veăng kơjo kum. Klêi mê tối nhên, Pơlê kong kân Hồ Chí Minh cho tíu ki kân rơdâ ‘na tơdroăng mơdró kâ.

Khu xiâm ngăn troăng prôk vâ môi tuăn pơkâ troăng hơlâ, ki hdrối mâu rôh tơ-ƀai kơneăng tŏng kum kuăn pơlê vêh a Việt Nam ki hâi chiâng chơ vêh troh a Pơlê kong kân Hồ Chí Minh.

Gương tơplôu ƀă tơbleăng