Chôu hriâm pêi [ă ko\ng a khoa Điện – Điện tử, Hngêi trung Kao đăng Kỹ thuật Dak Lak tơ’mot hên tơdroăng ki vâ tơmâng, hâk vâ dêi mâu sinh viên [ă túa pơkâ ‘’Plông ‘măn rơxế ki tiê [ă kơmăi ing hngế PLC S7-200’’ . Túa pơkâ kố ôh ti xê kum sinh viên ‘nâi nhên ‘na tơdroăng cheăng dêi kế tơmeăm ki tiê ing hngế (PLC) mê ối châ hlo [ă mâ, ối châ pêi [ă ko\ng tơná krâ ‘măn, tiê [ă kơmăi ing hngế plông ki ‘măn chiâng pro ku\n. Hơniâp ro tâ nếo cho túa pơkâ kố ai xúa hên kế tơmeăm tung tơdroăng rêh ối.

Lê Ngọc Sang, sinh viên, lâm 42C Điện công nghiệp, Hngêi trung kao đăng Kỹ thuật Dak Lak ăm ‘nâi:

‘’Thái cô pro hên túa pơkâ hnê hriâm ăm ngin tí tăng [ă hriâm tâp. Môi tiah thái Trần Văn Dũng hiăng pro mâu túa pơkâ ‘’Kơmăi pơchoh hmân ếo’’, ‘’Plông ‘măn rơxế ki tiê [ă kơmăi ing hngế’’. Mâu túa pơkâ mê gá kal khât tung tơdroăng rêh ối [ă tung kơpong cheăng [ă kơmăi kơmok, kum mâu vâi o ‘nâi nhên [ă tí tăng tơdroăng ki rơkê ple\ng túa mơjiâng, krâ ‘măn [ă tiê ing hngế PLC. Túa pơkâ mê pro ăm vâi ngin hâk vâ khât, á rơhêng vâ hriâm [ối’’.

Vâ chê 20 hơnăm pêi dêi hnoăng cheăng hnê a Hngêi trung Kao đăng Kỹ thuật Dak Lak, thái Trần Văn Dũng hiăng hriăn ngăn, mơjiâng pro lối 10 túa pơkâ, kế tơmeăm vâ kum tung hnoăng cheăng hnê hriâm xêh rêm râ, tung mê ai 5 to kế tơmeăm ki hiăng châ kâ pri râ tơnêi têa a mâu rôh tơ’noăng. Ki xiâm môi tiah ‘’Kơ-[ăng ki pêi [ă ko\ng ki tơdroăng PLC hbrâ mâu kế tơmeăm on tơhrik’’, ‘’Kơ-[ăng pêi [ă ko\ng hbrâ mâu đie#n mạch đie#n kơmăi ki tơdâng’’, ‘’Tíu ki kl^ng – lôu péa ki tiê [ă kơmăi sap ing hngế’’.

Mâu túa pơkâ kố cho vâ hriâm pât ăm sinh viên mơeăm ivá pro [ă tơku\m tơdroăng ki rơkê ple\ng pơla mâu môn hriâm tung tơdroăng ki hnê kơvâ on tơhrik, pro chiâng môi khu tơru\m, krá tơniăn vâ mơjiâng pro kế tơmeăm chiâng xúa tung tơdroăng ki ai khât.

Achê kố, thái Trần Văn Dũng rơtế [ă dêi ngế pú hiăng hriăn ngăn, mơjiâng pro châ tơ-[rê túa pơkâ ‘Plông ‘măn rơxế ki tiê [ă kơmăi sap ing hngế xúa PLC S7-200’’. Ki kố hiăng châ kâ pri ối má môi Rôh tơ’noăng kế tơmeăm ki mơjiâng pro xêh râ kong pơlê, pri ối má 2 Rôh tơ’noăng rơkê ple\ng kih thua#t kong pơlê Dak Lak hơnăm 2017.

Kố cho kế tơmeăm xúa kông nghe# ki nếo [ă kế tơmeăm ki tiê [ă kơmăi sap ing hngế PLC [ă màn hình cảm ứng HMI tơku\m [ă mâu kế tơmeăm on tơhrik vâ tiê sap ing hngế mâu kế tơmeăm môi tiah troăng ki mơjiâng pro tơmeăm ki ai khât. {ă kế tơmeăm kố, hâi lơ 17 khế 4 kố, thái Trần Văn Dũng kô ai mâ a Cung Văn hóa Lao động Hữu nghị Việt Xô (Hà Nội) vâ xo pri tơ’noăng rơkê ple\ng kih thua#t lâp tơnêi têa rôh má 14.

‘’Túa pơkâ kố tung pơla hriăn ngăn [ă mơjiâng pro dâng 3 khế. Plông ki ‘măn rơxế kố ôh tá tơtro [ă mâu ngế ki rak ngăn. Ngế ki lâi ai rơxế ô tô mê hbru ăm 1 to mah xo#. Tut theh kơmăi mê rơxế châ ‘măn, lăm kơchô lơ pêi cheăng, klêi mê ’no theh tut a kơmăi. Ngăn kơ kơxo# chôu vâ xo liăn. Kế tơmeăm kố tiô á cho ‘ló [ă hâk vâ khât xua ôh ti xê kum hnê hriâm, mê ối rơhêng vâ hnê tối ăm môi tơnêi têa mơnhông mơdêk tiô troăng ki rơkê ple\ng, tơkéa vâ tối ôh tá hdi xo troăng, k^ng troăng vâ ‘măn rơxế’’.

Tiô mơnhên tối dêi thak sih Hoàng Minh Cương, kăn pơkuâ hngêi trung Kao đăng Kỹ thuật Dak Lak tối, thái Trần Văn Dũng cho ngế ki djâ troăng ahdrối tung tơdroăng tơ’noăng hnê rơkê – hriâm rơkê, cho môi ngế ki djâ troăng ahdrối ‘na pêi cheăng rơkê ple\ng. Ing mê, kum mơdêk tơdroăng cheăng hriăn ngăn khoa hok, rơkê ple\ng ‘na kih thua#t [ă mơjiâng pro mâu kế tơmeăm ki hnê hriâm dêi hngêi trung. Thak sih Hoàng Minh Cương tối rơdêi, tơdroăng cheăng kố hlá hnê hriâm ‘na cheăng pêi ăm mâu thái cô, mơdêk châ tơ-[rê tung hnê hriâm cheăng, hlá kum hngêi trung kơdroh iâ ‘na kế tơmeăm hnê hriâm, tung pơla liăn ngân ôh tá ai hên.

‘’Tơdroăng ki mơhnhôk thế sap ing mâu thái cô, kông chưk – viên chưk [ă hok tro, sinh viên veăng pro tơmeăm xúa tung hnê hriâm, mê cho tơdroăng cheăng hriăn ngăn ki đi đo châ hngêi trung pơkâ mơdêk. Thái Trần Văn Dũng cho môi tung mâu ngế ki djâ troăng ahdrối dêi mâu kăn [o# rak ngăn, thái cô, ki hnê tung hngêi trung tung tơdroăng ki veăng tơche#ng tơmiât ‘na kih thua#t pro kế tơmeăm xúa tung hnê cheăng pêi tung tơdroăng tơ’noăng hnê rơkê – hriâm rơkê dêi hngêi trung. Rơtế to\ng kum [ă hngêi trung tung tơdroăng ki mơjiâng pro, krâ ‘măn mâu kế tơmeăm dêi túa pơkâ vâ kum hnê tung pơla liăn ngân tơnêi têa tá hâi to\ng kum tu\m môi tiah dế nôkố’’.

Vâ chê 20 hơnăm hnê tung Hngêi trung Kao đăng Kỹ thuật Dak Lak, thái Trần Văn Dũng hiăng hên hdroh châ inâi thái hnê rơkê râ kong pơlê, râ tơnêi têa. {ă tơdroăng ki hâk vâ hriăn ngăn khoa hok, pôa hiăng ai lối chât túa pơkâ ki ai pơxúa châ Tổng liên đoàn Lao động Việt Nam hbru ăm {âng Pêi cheăng rơkê ple\ng, Khu xiâm ngăn cheăng pêi mố đo#i tro rong [ă rêh ối pơlê pơla, Vi [an hnê ngăn kong pơlê Dak Lak diâp [âng khe#n kơdeăn [ă mơnhên inâi Chiến sih tơ’noăng râ kong pơlê.

{ă tơdroăng ki rơkê ple\ng [ă mâu tơdroăng ki tơche#ng tơmiât ki mê, thái Trần Văn Dũng hiăng kum ăm tơdroăng ki hâk vâ rơkê ple\ng ăm tâi tâng hok tro, sinh viên [ă mâu kăn [o#, thái cô tung hngêi trung.

Quốc Học chêh

Katarina Nga tơplôu [ă tơbleăng