VOV4.Sêdang - Hâi lơ 8/6, pôa Nguyễn Thanh Long, kăn xiâm ngăn ‘na pơkeăng ƀă khăm pơlât hiăng ai 3 rôh pêi cheăng krê ƀă mâu kăn teăng mâ Australia, Pơhlăng ƀă Swiss a Việt Nam ‘na tơrŭm tung hbrâ mơdât pơreăng Covid-19, malối cho tơdroăng ki pro tơ’lêi hlâu vâ Việt Nam châ xúa mâu vaccine hbrâ mơdât pơreăng Covid-19. Kăn xiâm ngăn pơkeăng rơhêng Australia, Pơhlăng ƀă Swiss pơtối tơmâng ngăn vâ Việt Nam pơtối châ roê hên vaccine hbrâ mơdât Covid-19.

Ngế xiâm ngăn ‘na pơkeăng ƀă khăm pơlât pêi cheăng ƀă mâu kăn teăng mâ dêi Australia, Pơhlăng ƀă Swiss ‘na tơrŭm cheăng hbrâ mơdât pơreăng Covid-19

Jâ Mobyn Mudie, kăn teăng mâ Australia a Việt Nam ăm ‘nâi, Chin phuh Australia hiăng kum 130 rơtuh AUD (dollars Australia) hŏng mâu tơdroăng COVAX. Krê ƀă Việt Nam, tâi tâng kơnâ ki tŏng kum ăm vaccine dêi Australia ăm Việt Nam cho 40 rơtuh AUD vâ roê vaccine hbrâ mơdât Covid-19.

Katarina Nga tơplôu ƀă tơbleăng