VOV4.Sêdang - A rôh pêi cheăng hâi lơ 26/4, Khu kăn ki pêi dêi hnoăng cheăng dêi Khu xiâm ngăn pơkeăng ƀă khăm pơlât xua pôa Nguyễn Thanh Long pơkuâ djâ hiăng ai rôh pêi cheăng ‘na tơdroăng hbrâ mơdât pơreăng COVID-19 ƀă hnoăng cheăng khăm pơlât a mâu tíu pêi cheăng a râ tơnêi a Pơlê kong kân Cần Thơ tơrŭm ƀă kong pơlê, Hngêi trung đăi hok Y dược Cần Thơ, rĕng pro klêi hngêi pơkeăng lêng râ tơnêi têa a Cần Thơ.

Hngêi pơkeăng kân tơnêi têa Cần Thơ châ pơcháu pro tíu xiâm tŏng kum kơxô̆ liăn, kế tơmeăm xúa tung khăm pơlât, kơmăi hiâm ƀă hên ki ê ăm hngêi pơkeăng lêng. Hngêi pơkeăng kố athế cho hngêi pơkeăng má mơ’nui, tơdah xo pơlât mâu ngế ki tâ COVID-19 ki râ, tŏng kum tơdah mâu ngế ki tâ sap ing mâu kong pơlê tung kơpong. Túa pơkâ apoăng sap ing 400 to xoăng koi pơlât, la hbrâ rơnáu tâk troh 800 to xoăng koi pơlât drêng ai pơkâ.

Katarina Nga tơplôu ƀă tơbleăng