VOV4.Sêdang - Kơxo lơ 25/3, a hneăng hôp tơpui tơdroăng pâk pơkeăng vaccine Covid-19, pôa Nguyễn Thanh Long, Ngế xiâm pơkuâ ngăn ‘na pơkeăng ƀă khăm pơlât tơnêi têa ăm ‘nâi, pơla hdrối kố nah, pin hiăng kâi mơdât pơreăng 3 rôh pơreăng Covid-19 tâ tú. Rôh má 3 ki xiâm tâ tú hên a Hải Dương kơxô̆ mơngế tâ tú hên, troh nôkố xuân ối hên mâu ngế tâ tú utâi utá xua pin pêi pro tơdroăng klâ krê, tí tăng xiâm, ‘nâ hiá ai môi peá kong pơlê, mâu tíu hâi pêi pro tro, hâi pro kơtăng. Laga, Ngế xiâm ngăn pơkeăng ƀă khăm pơlât xuân tô tuăn ‘na tơdroăng mơni kô ai rôh tâ tú pơreăng Covid-19 rôh má 4 a tơnêi têa pin, ki tơ’lêi tâ tú ga hên, xua tung pơla nôkố mâu kong têa tung kơpong ai hên tíu tâ tú pơreăng, tâ tú rơ-iô.

Xua mê, Ngế xiâm ngăn pơkeăng ƀă khăm pơlât pơlât thế mâu kong pơlê tơbleăng pêi pro kơtăng tơdroăng hbrâ mơdât pơreăng tiô hnê mơhno dêi Chin phuh, Khu hnê mơhno cheăng dêi tơnêi têa ‘na hbrâ mơdât pơreăng, dêi khu xiâm ngăn pơkeăng ‘na khăm ngăn mơheăm, tí tăng xiâm, klâ krê, khăm pơlât.

Gương tơplôu ƀă tơbleăng