Rêm hdroh troh a rơnó tô mơdrăng, vâi krâ-nho\ng o a pơlê Pai Ar tô tuăn drêng ki pê rơxôh on tơhrik ôh tá chiâng kơtâu, hdro pế hmê ôh tá chiâng chên, kơmăi hrik têa ôh tá kâi vâ hrik, um tơvi ôh tá chiâng vâ po ngăn. Troh rêm kong xêi, mâu rơpo\ng hngêi bú khên po dêi môi to pul on tơhrik tê vâ ăm kuăn ‘ne\ng hriâm dêi [ai. Nâ H’Loan Liêng ối tơmiât vâ rôe kơmăi uâ báu vâ uâ báu kuăn pơlê, nôkố thăm rế ôh tá chiâng vâ pêi cheăng:

‘’Kuăn pơlê akố tối vâ xúa tôh kơphế, [ă hlối hnhâng kơxái krâ a kơmăi uâ báu, la ôh tá chiâng, ôh tá chiâng xúa on tơhrik, xua ga kơtâu chôa luâ râ. Tâng hnhâng kơxái tơdjêp ing pá tá kuăn pơlê akố ôh tá ai liăn, tơdroăng kố thăm rế xahpá tâ ‘na on tơhrik’’.

Troăng kơxái on tơhrik a pơlê Pai Ar hiăng tơ’nhiê xua hiăng hên hơnăm kố on tơhrik ôh tá kâi kơtâu têi vâ mơ’no ăm kuăn pơlê xúa tung rêh ối [ă xúa tung pêi cheăng

Nâ H’Hoen tối tiah kố:

‘’Kuăn pơlê púi vâ châ tơdjêp kơxái on tơhrik pái pha. Xua akố hiăng troh rơnó tôh loăng plâi, kuăn pơlê vâ pế hmê ôh tá kâi chên, on tơhrik ôh tá chiâng vâ xúa. Kuăn pơlê púi vâ Tơnêi têa pơtối ‘no liăn  veăng kum hnhâng troăng kơxái on tơhrik pái pha vâ ai on tơhrik xúa, hlối châ xúa tung pêi cheăng kâ’’.

Nôkố pơlê Pai Ar ai lối 30 rơpo\ng kuăn pơlê rêh ối, pêi cheăng kâ pá tá têa kroăng Dak Liêng. Xua troăng kơxái on tơhrik môi phá ki hnhâng hiăng hên hơnăm hdrối nah [ă kơtăn ki hơngế gá lối 1km mê on tơhrik ôh tá kâi kơtâu têi. Hên kuăn pơlê ôh kâi châ hrik têa klôh vâ tôh loăng plâi xúa ôu kâ rêm hâi, thế lăm hnêng têa ki hơngế vâ xúa ôu kâ. Pôa Nguyễn Văn Đô, Kăn hnê ngăn chi [ộ  pơlê Pai Ar ăm ‘nâi, nôkố Ko\ng ti ngăn on tơhrik hiăng tâp trăng vâ hnhâng troăng kơxái on tơhrik ăm kuăn pơlê la dế trâm pá mê ôi lôi trăng kơtê hâi teăm châ hnhâng kơxái:

‘’Apoăng hơnăm, peăng khu ngăn ‘na on tơhrik hiăng hnhâng kơxái on tơhrik pái pha. La ai môi péa rơpo\ng ối pa kong pơlê kân ôh tá ăm peăng mâu ki mơjiâng pro vâ tâp trăng hnhâng troăng kơxái on tơhrik tơkâ luâ chiâk vâi. Mê nôkố, peăng khu mơjiâng pro vâi dế pơtê pro. Pâ mâu kăn [ă Vi [an tơring re\ng tơmâng tơpui tơno [ă péa rơpo\ng mê vâ ăm peăng khu mơjiâng pro on tơhrik hnhâng kơxái on tơhrik tơkâ luâ chiâk mê kuăn pơlê nếo ai on tơhrik vâ xúa’’.

Nôkố, Tây Nguyên dế mot tung rơnó mơdrăng, kuăn pơlê dế kal on tơhrik vâ xúa hrik têa tôh loăng plâi. Kuăn pơlê a pơlê Pai Ar, cheăm Dak Liêng, tơring Lak, kong pơlê Dak Lak púi vâ mâu khu kăn rêm râ kơvâ cheăng rơtế [ă Ko\ng ti ngăn on tơhrik Dak Lak re\ng châ séa ngăn vâ tăng troăng kơdroh tah ki xahpá, teăm hnhâng kơxái on tơhrik ăm kuăn pơlê châ xúa.

Tuấn Anh chêh

Gương tơplôu [ă tơbleăng