VOV4.Sêdang - Tung roh tơpui phôn ƀă pôa Nguyễn Xuân Phúc, Kăn xiâm hnê ngăn tơnêi têa a kơxê lơ 11/5, pôa Yoshihide Suga, Ngế pro xiâm hnê ngăn kong têa Nhuk teăng mâ Chin phuh ƀă kuăn pơlê Nhuk rơkâu pôa Nguyễn Xuân Phúc hiăng châ Kuô̆k hô̆i rah xo to pro kăn xiâm Tơnêi têa Việt Nam; tơdrêng amê, mơnhên kong têa Nhuk nhuô̆m ƀă kô pơtối tơrŭm krá tơniăn, thăm tŏng kum Việt Nam mơnhông mơdêk Tơnêi têa.

Ing hiâm mơno mê, Chin phuh Nhuk hiăng pơkâ tŏng kum ôh tá xo tơvêh liăn kơmăi hngíu rak vaccine kơnâ 200 rơtuh Yen, tơdrêng amê ăm tuk hriăn plĕng khoa hok têa kơxĭ ƀă Nhuk kô mơjiâng pro kơ koan teăng mâ a Đà Nẵng tung hơnăm la ngiâ.

Pôa Nguyễn Xuân Phúc mơnhên tối, tung tơdroăng pêi pro troăng hơlâ tơpui kâ dêi Hneăng hôp Đảng roh má 13, Việt Nam đi đo ngăn kong têa Nhuk cho khu tơrŭm cheăng ton xŏn, kal má môi ƀă ton xŏn. Klăng roh kố, pôa Nguyễn Xuân Phúc hiăng krếo Pơtáu ƀă Kơdrâi Pơtáu kong têa Nhuk lăm pôu Việt Nam.

A Sa Ly tơplôu ƀă tơbleăng