Ngoh Trần Văn Thường, ối a tơring Dak Mil, kong pơlê Dak Nông lăm ngăn dêi kơdrâi [a\ kuăn dế pơlât a kơbong pơlât vâi hdrêng, a hngêi pơkeăng kân kong pơlê Dak Lak vâ chê 2 khế kố. Rêm hâi, ngoh ối koi pơtê drô hang lơng [a\ kơmăng koi pa suâp kông ki hếo ngi ‘ngêi dêi hngêi pơkeăng. Châ hlo hên tơdroăng ôh tá tơniăn a kố, ngoh Trần Văn Thường tô tuăn:

‘’Tung hngêi pơkeăng kố mơngế ki tong hên ‘nâng. Á tô tuăn xua koi a kong kố, xâo vâi lơ tong liăn á, xuân pá puât ‘nâng. Drêng kơmăng a kố, a hlo ai ngế rôe péa kơ’lo kơphế, vâi ăm ôu môi kơ’lo kơphế mê ôh tá ‘nâi ki klâi xếo, mê vâi tong xo phôn á, ai 400 rơpâu tung kơtong mê vâi tong xo tâi hlối. Hâi hdrối ai môi ngế tong xo 2 to phôn râng ko\ng. Ngế gâk ngăn hngêi pơkeăng hiăng rup djâ á tá ăm ko\ng an tơleăng, laga hâi hnah pơtối hlo gá akố’’.

Mâu ngế ki tong drêng hlo mâu ngế ki ngăn dêi nho\ng o khăm pơlât a hngêi pơkeăng tơbrêi tơbrêh, ôh tá kơchăng ối pơtê drô hâng lông hngêi pơkeăng vâ tong kế tơmeăm vâi

Tiô tơbleăng dêi Hngêi pơkeăng kân kong pơlê Dak Lak, bu xêo sap ing hơnăm nah troh nôkố, Tôh gâk ngăn dêi hngêi pơkeăng hiăng rup 12 roh mơngế tong kế tơmeăm khoăng, pơcháu ăm Ko\ng an bêng tơleăng, mơdrếo kế tơmeăm khoăng ăm mâu ngế ki hía dêi tơmeăm.

Mâu ngế ki ôh tá châ rup tơdrêng lơ mơngế ki tro tong tơmeăm ôh tá tơbleăng tối mê ôh tá ‘nâi vâ xêo. Ki tô tuăn tâ mê, mê cho tơpui ‘mêi, ‘nêk mâu thái, [ok thái pơkeăng, pro ôh tá tơniăn a hngêi pơkeăng.

Ki rơhêng vâ tối achê kố, a kơbong Khoa Nội Tổng quát, drêng mâu thái, [ok thái pơkeăng dế pro mơ-éa vâ pơtroh ngế tamo châi pơlât a kơbong khoa Ngoại Tổng quát, mê Lâm Tùng Sơn, kuăn kơnốu ngế châi tamo, ối a bêng Tân Thành, pơlê kong kơdrâm {uôn Ma thuột hiăng mot tung hngêi pơkeăng xie#n pâm thái pơkeăng Vũ Văn Sang, tro rong a ngiâ. Thái pơkeăng Vũ Văn Sang hơ’muăn tối tơdroăng:

‘’Hâi ki mê a pêi cheăng a kơmăng. Drêng pơtroh pơlât a kơbong ki ê mê ing pakong mot xie#n pâm mâu thái pơkeăng, râng xơkê klo#m xie#n pâm á. Á tro rong a ngiâ, hiăng chêp [a\ pơlât môi măng t^ng. Ko\ng an bêng tăng rup 3 hâi nếo châ rup djâ a bêng. Ngế ki mê xuân tối dêi tơná ôh tá xôi. To lâi hâi kố Ko\ng an bêng krếo bu vâ pro pơle\m dêi pó tê. ‘Na kế tơmeăm khoăng ôh tá kal, laga ‘na hiâm mơno á tâ xâu ‘nâng’’.

A xoăng koi pơlât hiăng ai tơbleăng ‘’hbrâ kơchăng mâu ngế ki tong kế tơmeăm khoăng’’

Pôa Hoàng Gia Hiệp, Tôh trươ\ng Tôh gâk kring tối ăm ‘nâi, sap hơnăm nah troh nôkố, a hngêi pơkeăng kân kong pơlê Dak Lak hiăng ai dâng 70 roh pro ôh tá tơniăn. Drêng khu gâk kring bu iâ, kế tơmeăm kum tung gâk kring cho loăng [a tong tê, xua mê ai drêng rơ-iô, tơdroăng ki pá ôh tá ‘nâi pro ti lâi.

Maluâ hiăng ai luât tơru\m [a\ ko\ng an bêng, laga ai drêng tơdroăng ôh tá ‘nâi hdrối, khu cheăng tơleăng hrá. Pôa Hoàng Gia Hiệp tối ăm ‘nâi:

‘’Mâu ngế ki tong a kố ki hên cho pâk chik ma tu\i. Rup xiăn hên [a\ vêh pro xôi nếo xuân hên. Hngêi pơkeăng ai luât tơru\m [a\ ko\ng an bêng, tơbleăng đi đo [a\ 113 [a\ PC64, laga drêng ai tơdroăng tơleăng hrá. Xuân hên xôh pơkâ re\ng tơleăng laga peăng ko\ng an bêng iâ ngế há. Pơla kố nah a Khoa nội, nho\ng o ngế tamo châi hêng râng hơkê mơnhâu, xie#n thái, [ok thái pơkeăng, krếo phôn laga 45 phut nếo troh’’.

Ngế gâk kring hngêi pơkeăng kân kong pơlê Dak Lak gâk ngăn a kơbong khăm pơlât

Trung tă Nguyễn Thái Học – Kăn pơkuâ Ko\ng an bêng Tân Thành, pơlê kong kơdrâm {uôn Ma Thuột tối ăm ‘nâi, tơdroăng gâk kring ôh tá tơniăn ôh tá xê to a Hngêi pơkeăng mê tá kơdrum plông pa kong.

Mâu ngế ki tong mot tung kơpong tê kế tơmeăm khoăng a ngiâ bo cheăng hngêi pơkeăng vâ tong liăn [a\ tiô nho\ng o mơngế tamo châi mot tung plông hngêi pơkeăng vâ tong. Drêng ai tơdroăng kố, sap ing khế 6 hơnăm kố, hngêi pơkeăng hiăng po rơdâ pơkâ hbrâ mơdât mâu ngế xôi tung plông hngêi pơkeăng, tơdrêng amê rak tơniăn a bo cheăng hngêi pơkeăng.

‘’Pêi pro tiô 2 pơkâ kố rơtế mâu luât tơru\m pơla ko\ng an bêng [a\ Hngêi pơkeăng kân kong pơlê Dak Lak, mâu khu cheăng kal kí rơtế ko\ng ang bêng cho khu ki xiâm, troh nôkố hiăng kâi mơdât tơdroăng hdi xo hang lơng troăng a hngêi pơkeăng kong pơlê vâ tê mơdró. Ngin po rơdâ ăm tôh pêi cheăng rup mâu ngế xôi mot tung plông hngêi pơkeăng vâ ‘nâi tơdroăng, tăng rup mâu ngế ki tong kế tơmeăm khoăng tung plông hngêi pơkeăng’’.

Maluâ hiăng ai pơkâ tơru\m [a\ pơkâ nhên, laga tơdroăng gâk kring – rak tơniăn a kơpong hngêi pơkeăng kân kong pơlê Dak Lak xuân ôh tá tơniăn. Tung hngêi pơkeăng mê ai mâu ngế tong, mơnhâu pâm xie#n thái, [ok thái pơkeăng; pakong mê ai mâu ngế tong liăn, mơngế ki leăm hrot tơmối pro ôh tá tơniăn.

Tâng mâu khu cheăng, xiâm kối cho ko\ng an bêng ôh tá re\ng mot mơdât tâi tơdroăng kố mê kăn [o#, thái pơkeăng, [ok thái pơkeăng hngêi pơkeăng kân kong pơlê Dak Lak xuân môi tiah mâu ngế tamo châi [a\ nho\ng o xuân tâ ôh tá tơniăn đi đo ti mê troh tá ah./.

A Sa Ly tơplôu [a\ tơbleăng