3 khế poăng hơnăm kố, kơvâ ôm hyô Đà Lạt – Lâm Đồng tơdah lối 1,5 rơtuh roh tơmối. Ki rơhêng vâ tối, pa k^ng mâu kơpong, tíu ôm hyô ki hmâ dêi Đà Lạt – Lâm Đồng, môi tiah xí Prenn, xí Datanla, long têa Than Thở, Thung lũng Tình yêu, ngo Mộng Mơ, kơdrum reăng pơlê kong kân [a\ hía hé, mê tơmối ôm hyô tăng troh mâu kơdrum pêi pêt kơchâi drêh, reăng, yâu [ok tiô troăng pêi chiâk deăng xúa kơmăi kơmok rơxông nếo dêi kuăn pơlê akố rế hía rế kơdrâm. Troh lăm ngăn [a\ hlo mâu kơnoăng pêt kơchâi drêh tu\m têk, rak ngăn [a\ kơmăi kơmok rơxông nếo a môi kơpong ôm hyô pêi chiâk deăng a bêng 9, pơlê kong kơdrâm Đà Lạt, nâ Nguyễn Thị Nhung, tơmối lo ing pơlê kong kân Hồ Chí Minh, tối tơdroăng tơmiât tiô tơná hlo:

‘’Á hâk vâ ‘nâng drêng troh lăm ôm hyô a kơdrum môi tiah kố. Xua akố á châ hlo loăng pêt gá xông kân môi tiah lâi. Ing mê á xuân ‘nâi nhên kơmăi kơmok pêt tiô sinh ho\k, tiô troăng ki krúa le\m, túa kuăn pơlê pêi lo kế tơmeăm dâi le\m ăm mơngế ki rôe xúa’’.

Pak^ng mâu tíu ki lăm ngăn ‘na pêi chiâk deăng dêi kuăn pơlê, kum tung tơdroăng ôm hyô pêi chiâk deăng rế hía rế mơhnhôk tơmối troh ôm hyô, Vi [an pơlê kong kơdrâm Đà Lạt hiăng teăm tơdrêng séa ngăn [a\ tơbleăng vâ chê 30 tíu pêi chiâk deăng xúa kơmăi kơmok rơxông nếo ai ivá lôu péa tơdah tơmối. Tiô ngoh Nguyễn Văn Thành, ngế hnê mơhno ngăn ôm hyô a Đà Lạt, maluâ cho môi túa nếo mơnhông mơdêk laga ôm hyô pêi chiâk deăng hiăng chiâng môi tung mâu kế tơmeăm ôm hyô ki má môi thế ai ăm tơmối hyô vâ troh lăm ngăn  a pơlê kong kơdrâm kố. Xua mê, tơdroăng khu kăn pơkuâ pơlê kong kơdrâm Đà Lạt – Lâm Đồng nhua#m tơdroăng mơnhông mơdêk ôm hyô pêi chiâk deăng cho tơdroăng ki tơdjâk kum mơdêk kơvâ ôm hyô mơnhông mơdêk krá tơniăn krá tơniăn. Ngoh Nguyễn Văn Thành, tối ăm ‘nâi:

‘’A Đà Lạt nôkố mơnhông mơdêk pêi chiâk deăng xúa kơmăi kơmok rơxông nếo cho môi troăng pêi [a\ cho mơnhông tơtêk ‘nâng. Xúa mâu kơmăi kơmok, túa rôe xo ing kong têa ê, ki rơhêng vâ tối cho mâu kơmăi kơmok rơxông nếo hiăng châ pêi pro a tơnêi Đà Lạt. Gá hiăng pro kế tơmeăm khoăng ôm hyô pêi chiâk deăng ăm Đà Lạt [a\ tơmối troh akố thăm hlê ple\ng môi tiah lâi cho pêi chiâk deăng xúa kơmăi kơmok rơxông nếo’’.

Khu tơmối ôm hyô tí tăng 'nâi ple\ng 'na túa mơdâ pêt hdrê kơchâi ki xúa kơmăi chal nếo a pơlê kong kơdrâm Đà Lạt

Tiô xêo ngăn dêi kơvâ pơkuâ ôm hyô Lâm Đồng, sap apoăng hơnăm troh nôkố, mâu tíu ôm hyô pêi chiâk deăng dêi pơlê kong kơdrâm hiăng mơhnhôk hr^ng rơpâu roh tơmối troh lăm ngăn [a\ mơnúa. Tơdroăng kố ăm hlo, tơdroăng nhua#m [a\ kum ôm hyô pêi chiâk deăng cho môi troăng prôk ki tơtro. Laga, tiô jâ Nguyễn Thị Bích Ngọc, Kăn pho\ pơkuâ ‘na mơhno mơjiâng túa le\m tro, tơ’noăng ivá [a\ ôm hyô kong pơlê Lâm Đồng tối, vâ ôm hyô pêi chiâk deăng chiâng môi túa cheăng ki má môi mơhno tơdroăng ki rơkê kal châ pơtối tơku\m po rơdâ hên túa pêi:

‘’Pêi chiâk deăng xúa kơmăi kơmok rơxông nếo dêi Đà Lạt mơnhông tơtêk tung pơla kố nah hiăng chiâng tơdroăng ki vâ Đà Lạt – Lâm Đồng mơnhông mơdêk môi túa ôm hyô nếo, mơhnhôk châ hên tơmối. Xua mê tung la ngiâ, mơnhông mơdêk ôm hyô nếo, mơhnhôk châ hên tơmối. Xua mê tung la ngiâ, mơnhông mơdêk ôm hyô ‘na pêi chiâk deăng cho xiâm kối [a\ troăng prôk dêi kơvâ ôm hyô Lâm Đồng. Ngin xuân dế ai hên tơdroăng va thăm mơhnhôk, tơbleăng ăm túa ôm hyô kố. Tơdrêng amê tơru\m [a\ mâu kơvâ cheăng, khu kăn pơkuâ vâ thăm mơjiâng inâi ăm ôm hyô pêi chiâk deăng, tơdrêng amê kô pơkâ to\ng kum môi iâ ăm mâu tíu mơjiâng pro ôm hyô pêi chiâk deăng môi tiah hngêi trăng, troăng prôk, to\ng kum hnê mơjiâng mơngế pêi cheăng, ki rơhêng vâ tối cho tơdroăng mơhnhôk, tơbleăng kế tơmeăm’’.

{a\ mâu troăng to\ng kum, pro tơ’lêi hlâu vâ túa ôm hyô nếo kố châ mơnhông mơdêk rơkê tơtro dêi kơvâ ôm hyô Lâm Đồng, rơtế [a\ kế tơmeăm khoăng hiăng ai tơ’lêi tung mơnhông mơdêk pêi chiâk deăng xúa kơmăi kơmok rơxông nếo dêi kong pơlê, túa pêi ôm hyô kơdrum dêi Đà Lạt – Lâm Đồng kô pơtối tơngah vâ mơnhông mơdêk krá tơniăn tung la ngiâ ah.

Quang Sáng chêh

A Sa Ly tơplôu [a\ tơbleăng