Hâi apoăng măng t^ng, ngoh Kpuih Mlai, kuăn ngo Jarai, pơlê Klăh, cheăm Ia Mơr chơ dêi kơdrâi to rơxế hon đa vâ lăm khăm  a hngêi pơkeăng kân kong pơlê. Nếo lo ing troăng [ê tong a cheăm cho troăng kân 665, la khéa khât, troăng kân mê ‘mêi tâ troăng kân tung cheăm. Pơxiâm troh troăng kân kong pơlê cho troăng tơnêi to kơtâk bê trâu kơhlong kơhlăng châ môi xơtá lâp troăng kân mê, to tíu kơklong kơhlăng.

Kơtâk tơnêi cho rơ-iô khât [ă kuăn pơlê a cheăm Ia Mơr drêng prôk a troăng kân 665

Dế prôk a troăng kân kong pơlê nếo iâ, mê ai môi toăng rơxế kân ki prôk vêh tơkâ luâ to kơtâk kơlung kơlăng, ối kơtăn dâng 50m ôh tá hlo rơxế hon đa dêi prếi on veăng ngoh Mlai, ngoh thế tot. Kơ’nâi dâng 3 phut nếo ôh tá ai kơtâk xếo, prếi on veăng ngoh pơtối to rơxế prôk troăng hơngế ki pá puât vâ chê 100km nếo, tung pơla mê, dâng 30km cho troăng tơnêi. Tung plâ hên hơnăm kố thế prôk a troăng kân ki pá puât, ngoh Kpuih Mlai, rơbo ble\m tối:

‘’Rơxế kân ki tơkâ luâ kơtâk luâ râ ngăn troăng ôh tá hlo, ‘nâ hía á chu tung klôh, ối amê tơkôm rơxế kơtâu luâ. Troăng gá ku\n, rơxế kơtâu luâ tíu kơhlong ki pin prôk. A rơnó mêi troăng trâp hliâk, tâng prôk 2 ngế môi ngế thế trut pá ro\ng rơxế. Púi vâ má môi Tơnêi têa re\ng pro troăng ăm kuăn pơlê châ tơ’lêi hlâu prôk lăm’’.

Tung rơnó mêi, troăng kô to trâp tê

Troăng kân 665 ki xo\n vâ chê 70km, ai tíu ki apoăng cho pái hơlâ troăng Phú Mỹ, tơdjêp [ă troăng Hồ Chí Minh ki tơkâ luâ Tây Nguyên (troăng kân 14) cho tíu tơdjêp má mơ’nui [ă troăng kân 14C, achê [ă troăng kân séa ngăn tíu tơkăng kong, cho tung tíu rak ngăn dêi Đông mô đo#i tơkăng kong Ia Mơr.

Pôa Nguyễn Tuấn Anh, Kăn pho\ hnê ngăn Vi [an cheăm Ia Mơr ăm ‘nâi, pơla troăng ki ‘mêi dêi troăng kân kơxo# 665 dêi cheăm dâng 30km, tâi tâng to troăng tơnêi. Tơdroăng prôk lăm drô troăng kố trâm hên xahpá, rơnó mêi gá trâp ôh tá chiâng prôk, rơnó tô to kơtâk. Troăng kân ‘mêi tiah mê pro ăm kuăn pơlê trâm pá puât tung prôk lăm, tê mơdró. Tơmeăm vâ tê tro khu mơdró rôe hjip yă, tung pơla mê hdrê, phon rơvât, yă to kơnâ. Xua tiah mê tơdroăng cheăng kâ, rêh ối dêi cheăm ôh tá kâi xông tơ-[rê.

‘’Troăng kân 665 vâ mot a cheăm Ia Mơr, tơdjêp [ă troăng kân tơring C|ư Prong [ă troăng ki vâ prôk a mâu cheăm kơtiê xahpá. Ing mê, pro pá ăm tơdroăng tê mơdró, chơ tơmeăm pê lo ing chiâk deăng dêi kuăn pơlê. Kuăn pơlê hmâ tro mâu ki lăm rôe djip yă, kuăn pơlê chiâng mơhía dêi hên kơxo# liăn ki vâ mơnhông cheăng kâ. Khu râ kăn Đảng xuân môi tiah tâi tâng kuăn pơlê tung cheăm Ia Mơr púi vâ pro ti lâi tơnêi têa thế re\ng pro troăng ăm kuăn pơlê vâ kuăn pơlê tơ’lêi hlâu lăm’’.

Troăng kân 665 châ mơnhên cho troăng kân xiâm dêi mâu cheăm Ia Băng, Ia Tôr, Ia Pia, Ia Me, Ia Ga [ă cheăm Ia Mơr dêi tơring C|ư Prong. Pak^ng mê, kố xuân cho troăng kân xiâm tơdjêp [ă tơring C|ư Prong, kong pơlê Gia Lai [ă tơring Oyadav (kong pơlê Ratanakiri,  kong têa Kul). Tiô pôa Hồ Phước Thành, Ngế pơkuâ ngăn ‘na Pơkâ ‘no liăn cheăng kong pơlê Gia Lai, tối ki kal dêi troăng [ă tơdroăng mơnhông cheăng kâ, rêh ối kơpong tíu tơkăng kong, kong pơlê hiăng tối ăm chin phuh [ă hngêi rak liăn Châu Á (ADB) to\ng kum liăn vâ ‘no mơjiâng pro, ‘mâi rơnêu troăng ki kố tơdroăng tơkêa pro ‘’To\ng kum mơnhông kơpong tíu tơkăng kong’’ kơpong pái kong têa Việt Nam - Lếo - Kul.

Tơdroăng tơkêa bro hiăng châ Ngế pro xiâm hnê ngăn tơnêi têa k^ hơnăm 2016, ối ai troăng kân 665 châ k^ cho môi tung tơdroăng tơkêa bro, tung mê, ai liăn ‘no mơjiâng pro lối 22 rơtuh dollar Mih, tơ’mô lối 500 rơtal liăn. Xua tơvâ tơvân mâu tơdroăng mê chiâng ôh tá l^ng pro. Troh nôkố, mâu tơdroăng tơvâ tơvân mê hiăng châ tơleăng mơnhên [ă tơdroăng tơkêa bro mê dế châ tăng mâu khu mơjiâng pro. Pôa Hồ Phước Thành ăm ‘nâi, tâng tơ’lêi hlâu, troh khế 8 kố ah, troăng kân mê kô châ mơjiâng pro.

‘’Ngin châ kong pơlê pơcháu hnoăng cheăng tơbleăng tơdroăng tơkêa pro [ă hnoăng cho khu xiâm mơjiâng pro. Ngin hiăng tơru\m nhên [ă ADB vâ pro hồ sơ tơdroăng tơkêa mơjiâng pro troăng [ă hiăng châ ADB môi tuăn tâi tâng pơkâ, hlá mơ-éa. Nôkố dế pro hlá mơ-éa ing măng tăng khu vâ mơjiâng pro, pơkâ tơdroăng pro mê ADB dế tơbleăng vâ tăng mâu ki pro. Tiô tơdroăng ăm ‘nâi troh khế 7 kô ah kô pro klêi hlá mơ-éa tăng khu mơjiâng pro dâng khế 8 kô pơxiâm pro troăng kân mê’’.

Ia Mơr cho cheăm khên tơnôu tung rơxông tơplâ xâ Mih to\ng kum tơnêi têa. Tíu kô, kuăn pơlê mơngế Jarai dế púi vâ rêm hâi tơngâh troăng kân 665 re\ng châ ‘mâi rơnêu, mơjiâng pro nếo. Ing mê kum kuăn pơlê kơdroh iâ ki xahpá tung prôk lăm xuân môi tiah kum cho troăng vâ mơnhông mơdêk cheăng kâ –rêh ối.

 Công Bắc chêh

 Gương tơplôu [ă tơbleăng