Roh pâk pơkeăng vaccine êi ngôa Nhật Bản B ăm vâi hdrêng sap 6 – 15 hơnăm châ Tíu xiâm ngăn pơkeăng [a\ khăm pơlât po rơdâ pêi pro sap hâi lơ 2/10 troh hâi lơ 27/10/2017, [a\ pơkâ xiâm cho séa ngăn mâu ngế hiăng pâk, pâk tơ’nôm ăm mâu ngế ki pâk tá hâi tu\m [a\ hlối pâk ăm mâu ngế ki tá hâi pâk.

Tiah mê, roh pâk pơkeăng vaccine kố châ klâ péa hdroh. {ok thái pơkeăng Lê Văn Thiện, Kăn pơkuâ Tíu xiâm ngăn pơkeăng [a\ khăm pơlât pơlê kong kơdrâm {uôn Ma Thuột, kong pơlê Dak Lak tối ăm ‘nâi:

‘’Tung pơla kố nah tung pơlê kong kơdrâm {uôn Ma Thuột hiăng ai to lâi ngế tro pơrea\ng êi ngôa Nhật Bản B. Xua mê, xiâm kối dêi roh kố cho pâk ăm mâu ngế vâi hdrêng tá hâi pâk tu\m 3 klo\ng pơkeăng pơlât êi ngôa Nhật Bản B. Klêi kơ’nâi séa ngăn, ngin hiăng mơnhên mâu tíu hngêi pơkeăng, po rơdâ ăm pâk pơkeăng vaccine tơtro, ai tơru\m [a\ mâu hngêi trung tung pơlê kong kơdrâm, mâu tơdroăng tơku\m pâk xuân môi tiah pơkuâ ngăn pơkeăng vaccine pơrá thế pêi pro tro tiô pơkâ’’.

Xua mơngế ki vâ pâk mê cho vâi hdrêng tro hơnăm hriâm xua mê tơdroăng pâk ki hên châ tơku\m po a mâu hngêi trung râ má péa [a\ má môi. {a\ vâi hdrêng ki ôh tá hâi hriâm [a\ vâi hdrêng ing pơlê ki ê pâk a mâu hngêi pơkeăng cheăm, bêng.

Hngêi trung râ má môi – hngêi trung râ má péa – hngêi trung râ má pái Victory ối tung bêng Tân Tiên, pơlê kong kơdrâm {uôn Ma Thuột cho môi tung mâu hngêi trung ai kơxo# hok tro kơdrâm. Tung roh kố, hngêi trung ai lối 400 ngế vâi hdrêng kal châ pâk pơkeăng vaccine hbrâ mơdât pơrea\ng êi ngôa Nhật Bản B.

A roh pâk pơkeăng, ing mâu tơdroăng tơku\m po ing kơ-[a\ng pâk, kơ-[ăng vâ hnê mơhno, kơpong séa ngăn klêi kơ’nâi pâk…pơrá châ hbrâ tơnáu. Rêm khu hok tro ối pơtăng tơkôm pâk ing hnê mơhno, pơchân tối dêi cô pơkuâ, xua mê tơdroăng kố tơku\m po tơniăn, tro tiô pơkâ. Kơnôm mê, roh hiăng tơ’lêi, tơniăn, ôh tá ai tơdroăng klâi tá tơniăn.

Tối ‘na tơdroăng hbrâ tơnáu roh, ngoh Nguyễn Thành Vũ, kăn [o# {ơrô ngăn pơkeăng [a\ khăm pơlât, hngêi trung râ má môi – má péa – má pái phôh thông Victory tối ăm ‘nâi:

‘’Drêng tơdah mơ-éa tơbleăng dêi Tíu xiâm ngăn pơkeăng [a\ khăm pơlât pơlê kong kơdrâm, [ơrô ngăn pơkeăng [a\ khăm pơlât dêi hngêi trung Victory hiăng po rơdâ túa pêi ki nhên: pơtroh tơbleăng ăm nôu pâ vâ pơkâ, séa ngăn tơdroăng pâk pơkeăng dêi mâu vâi o, kơ’nâi mê pơtroh inâi ăm Hngêi pơkeăng cheăm bêng vâ rơtế tơru\m pêi pro roh pâk pơkeăng kố. {a\ hok tro, ngin xuân hiăng pêi tơdroăng hnê mơhno mơhnhôk mâu vâi o xua ối ku\n, xua mê mâu vâi o xuân ôh tá tơnôu [a\ xêo drêng tối pâk pơkeanưg’’.

Tung roh pâk kố, hngêi trung râ má môi Ngô Quyền, ối tung bêng Tân Thành, pơlê kong kơdrâm {uôn Ma Thuột ai 302/1.138 hok tro kal pâk pơkeăng vaccine. Hlo kố cho tơdroăng pêi ki pơxúa tung tơdroăng răk ngăn ivá ăm mâu vâi o, Khu pơkuâ thái cô pơkuâ hngêi trung hiăng tơru\m [a\ Tíu xiâm ngăn pơkeăng [a\ khăm pơlât bêng Tân Thành chêh inâi, séa ngăn mâu ngế ki pâk.

Pak^ng mê, hngêi trung hiăng tơbleăng ăm nôu pâ hok tro ‘na tơdroăng lăm pâk pơkeăng vâ teăm tơdrêng mơhnhôk ăm mâu vâi o, vâ tơniăn tơdroăng pêi cheăng kố gá tơniăn, châ tơ-[rê. Jâ Phạm Thị Thanh Thủy, Pho\ pơkuâ hngêi trung pơkuâ hngêi trung râ má môi Ngô Quyền, pơlê kong kơdrâm {uôn Ma Thuột tối:

‘’Tung roh tơku\m po, hngêi trung hiăng hbrâ tơnáu tu\m kế tơmeăm khoăng, xuân môi tiah hbrâ péa kơbong pâk [a\ môi kơbong séa ngăn klêi kơ’nâi pâk. Tơru\m [a\ hngêi pơkeăng cheăm pro têa sik ăm hok tro ôu ahdrối vâ pâk xuân môi tiah séa ngăn klêi kơ’nâi pâk. Hngêi trung hlo kố cho tơdroăng ki pơxúa, kum hbrâ ví [a\ pro kơdroh ki tơdjâk ‘mêi xua pơrea\ng êi ngôa Nhật Bản B pro a vâi hdrêng’’.

Mơgêi roh pâk pơkeăng vaccine pơlât êi ngôa Nhật Bản B, pơlê kong kơdrâm {uôn Ma Thuột hiăng pâk ăm lối 30 rơpâu ngế vâi hdrêng, châ lối 97,6%. {a\ châ tơ-[rê kố, pơlê kong kơdrâm {uôn Ma Thuột pói vâ kơdroh mơngế ki tro tâ pơrea\ng êi ngôa Nhật Bản nếo tung la ngiâ ah.

Tiô tơbleăng dêi Tíu xiâm khăm pơlât [a\ hbrâ mơdât pơrea\ng kong pơlê Dak Lak, sap apoăng hơnăm 2017 troh nôkố, lâp kong pơlê hiăng châ hlo 5 ngế tro tâ pơrea\ng êi ngôa Nhật Bản B, tâi tâng cho pơrá vâi hdrêng pá kơdâm 15 hơnăm, tung mê ai môi ngế hlâ. Kơxo# mơngế tro tâ pơrea\ng tâk châ péa xôh tâng pơchông [a\ roh kố hơnăm 2016.

Mâu tơring ai ngế tro tâ pơrea\ng hên má môi cho pơlê kong kơdrâm {uôn Ma Thuột [a\ mâu tơring Krông Ana, }ư Kuin, Ea Súp, Krông Pa]. Tu\m 5 ngế tro tâ pơrea\ng pơrá ôh tá pâk pơkeanưg vaccine lơ pâk ôh tá tu\m pơkeăng mơdât pơrea\ng êi ngôa Nhật Bản B. 4 ngế châ pơlât châ rêh pơrá chó ‘na ngôa.

Kơvâ ngăn pơkeăng [a\ khăm pơlât pơchân tối túa ki tơtro nôkố vâ hbrâ mơdât pơrea\ng êi ngôa Nhật Bản B cho pâk pơkeăng vaccine hbrâ mơdât pơrea\ng tro hâi khế pơkâ [a\ pâk tu\m pơkeăng, ki rơhêng vâ tối a mâu kơpong pêt báu têa [a\ păn kơpôu ro chu.

Hâi khế pâk pơkeăng kơ’nâi kố: Pâk trum má môi, drêng vâi hdrêng hiăng châ 1 hơnăm; pâk trum má péa kơ’nâi trum má môi cho môi măng t^ng; pâk trum má pái kơ’nâi trum má péa môi hơnăm. Kơ’nâi mê, tung pái hơnăm mê pâk môi xôh.

Gương prếi A Sa Ly tơplôu [ă tơbleăng