VOV4.Sêdang - Kơxo hâi lơ 2 khế 7, hneăng hôp Đảng [o# tơring {uôn Đôn, kong pơlê Dak Lak roh má 5, hneăng hơnăm 2015 – 2020. Pơxiâm po ai 150 ngế kăn [o# veăng hneăng hôp. Kố cho kơ koan châ kong pơlê Dak Lak rah xo cho tíu tơku\m po hneăng hôp rah xo dêi khu râ kăn pơkuâ hnê mơhno cheăng Đảng. Hneăng hôp tơku\m tối mâu tơdroăng pêi pro tơdroăng pơkâ Đảng [o# tơring hneăng hiăng hluâ; tơpui tơno, tơbleăng mâu tơdroăng pơkâ, troăng cheăng, hnoăng cheăng [a\ túa pêi cheăng tung hneăng hơnăm 2015 – 2020 vâ kum {uôn Đôn hlu\n ing tơring kơtiê dêi kong pơlê Dak Lak. 

Pơxiâm po hneăng hôp kân Đảng [o# tơring {uôn Đôn.

Poâ Phạm Hùng, kăn pho\ pơkuâ cheăng Đảng tơring {uôn Đôn tối ăm ‘nâi: Tung hneăng la ngiâ, ngin tơku\m mơjiâng Đảng [o# krúa le\m, ó rơdêi, pơtối ru\m môi tuăn hdroâng kuăn ngo, thăm mơnhông cheăng kâ rêh ối pơlê pơla, tơniăn cheăng lêng gâk kring, kum {uôn Đôn hlu\n ing tơring kơtiê dêi kong pơlê. Tung pơkâ dêi 5 hơnăm la ngiâ, ngin mơnhên kô mơ-eăm kum {uôn Đôn hlu\n ing tơring kơtiê. Ngin mơnhên kô pơtối mơhnhôk, xúa châ tơ-[rê mâu kơxo# liăn ki mơ’no cheăng, tơku\m mơnhông cheăng kâ, tơleăng tơtro mâu tơdroăng pơlê pơla; pơtối mơdêk tơdroăng rêh ối ‘na châ [a\ ‘na hiâm mơno dêi kuăn pơlê tung tơring, kơjo kum mơjiâng mâu kế tơmeăm khoăng ki kum tung rêh ối pơlê pơla môi tiah troăng klông, rơchoâ long hno têa, on tơhrik [a\ hía hé.

Hneăng hôp Đảng [o# tơring {uôn Đôn tơku\m po tung 2 hâi, hâi lơ 2 [a\ lơ 3 khế 7, kố cho hneăng hôp mâu khu râ dêi kong pơlê Dak Lak, kô tơku\m po khu râ kăn pơkuâ hneăng má 5, rah xo kăn pơkuâ hnê ngăn Đảng [a\ khu kăn [o# pơkuâ hneăng hôp Đảng [o# mâu khu râ.

A Sa Ly tơplôu