VOV4.Sêdang - Nếo achê kố, Đoân droh rơtăm Kŏng sản Hồ Chí Minh kơpong Tây Nguyên tơkŭm po tơ’noăng mâu hơnăm ối nếo rơkê plĕng ki nếo ƀă khĕ kơdeăn chi đoân ki rơdêi, trâm mâ kăn hnê ngăn Đoân kơhnâ rơkê tung lâp kơpong Tây Nguyên hơnăm 2021.

10 ngế tê mơdró hơnăm ối nếo châ pơ-ôu pơ-eăng

Veăng tơdroăng mê ai teăng mâ Khu pơkuâ ngăn Đoân droh rơtăm Kŏng sản Hồ Chí Minh 5 to kong pơlê kơpong Tây Nguyên ƀă lối 100 ngế kăn hnê ngăn Đoân, droh rơtăm ki pêi cheăng kơhnâ rơkê, droh rơtăm kơhnâ rơkê tung pơxiâm pêi cheăng ‘nâi hriă plĕng tơdroăng cheăng pêi ki nếo dêi kong pơlê tung kơpong.

Kố cho tơdroăng pêi pro vâ koh tơbâ 80 hơnăm Hâi mơjiâng Đoân droh rơtăm Kŏng sản Hồ Chí Minh lơ 26/3. Tơdroăng pêi pro mê cho “Tơpui tơno tăng troăng mơdêk tăng cheăng pêi hriă plĕng tung pêi cheăng” kum đoân viên droh rơtăm ki pơxiâm pêi cheăng, mâu tíu pêi cheăng hriâm ing dêi rơpó, hnê tối ăm dêi rơpó tuá pêi cheăng ki ‘ló tro, tuá pêi cheăng ki nếo tung pơxiâm pêi cheăng a kong pơlê môi tiah túa mơnhông khu mơdró kâ pơxiâm pêi cheăng ƀă tăng troăng mơdêk hriă plĕng ki nếo. Rôh kố, khĕn kơdeăn 10 ngế mơdró kâ hơnăm ối nếo rơkê a 5 to kong pơlê kơpong Tây Nguyên.

Gương tơplôu ƀă tơbleăng