VOV4.Sêdang - Kơxê lơ 19/5/2021, pôa Bùi Thanh Sơn, Ngế xiâm tơpui kâ hiăng krếo phôn tơpui ƀă pôa Don Pramudwinai, Ngế pro xiâm phŏ hnê ngăn, Ngế xiâm tơpui kâ kong têa Siam. Peá Ngế xiâm  tơpui kâ hiăng vâ môi tuăn tơrŭm krá, thăm mơdêk tơkŭm po tơniăn mâu tơdroăng pêi pro vâ troh leh tơbâ 45 hơnăm hâi mơjiâng tơpui kâ pơla Việt Nam - Siam.

Pơtối mơdêk tơpui tơrá mâu kăn xiâm a pơla ki tơtro, tơbleăng pêi tơ-ƀrê mâu luât pơkâ tơrŭm cheăng pơla péa pâ, tung mê, ai hôp Chin phuh tơchoâm roh má 4 xua Ngế pro xiâm hnê ngăn dêi péa tơnêi têa rơtế pơkuâ, Vi ƀan tơrŭm cheăng pơla péa pâ roh má 4 râ Ngế xiâm tơpui kâ, Séa ngăn tơdroăng kal kí roh má 8 râ Ngế xiâm phŏ tơpui kâ.

Peá Ngế xiâm tơpui kâ vâ môi tuăn kĭ Tơdroăng tơbleăng tơrŭm cheăng mơdêk pơla hơnăm 2021-2025; tơbleăng mâu troăng hơlâ mơdêk tê mơdró, veăng mơdêk ‘mâi mơnhông cheăng kâ klêi kơ’nâi pơreăng kân, mơ-eăm mơnhông tơdroăng tê mơdró pơla péa pâ châ 25 rơtal dollars; tơrŭm cheăng hbrâ mơdât pơreăng ƀă châ pâk pơkeăng vaccine tơniăn, tơ-ƀrê.

Gương tơplôu ƀă tơbleăng