VOV4.Sêdang - Kơxê lơ 14/4, Pôa Bùi Thanh Sơn, Ngế xiâm tơpui kâ tơpui tơno tơdrêng tung um tơvi ƀă jâ Marise Payne, Ngế xiâm tơpui kâ kong têa Australia, pôa Hishammuddin Hussein, Ngế xiâm tơpui kâ kong têa Malaysia, pôa Teodoro Locsin, Ngế xiâm tơpui kâ kong têa Philippines.

A rôh tơpui tơno, mâu ngế xiâm tơpui kâ hiăng vâ môi tuăn tung la ngiâ kô tơrŭm krá tâ mơdêk tâ nếo tung tơrŭm cheăng ƀă Việt Nam, tŭm tơdroăng pơtối pêi cheăng trâu rơdâ, tơ-ƀrê, tung mê, tơkŭm a mâu tơdroăng ki kal: mơdêk tơpui tơno tung khu drêng tơdroăng ăm phêp, mơdêk trâm mâ mâu kăn xiâm ƀă rêm râ pá xôp ing mâu tơdroăng ki tơtro; tơleăng tơ-ƀrê mâu luât pơkâ ki tơtro ƀă tơhrâ pơla péa pâ; mơdêk ƀă pro trâu rơdâ tâ nếo tung tơrŭm cheăng lêng kring gak tơnêi têa; pơtối mơ-eăm kơjo kum dêi rơpó ‘na pêi chiâk, păn ká xi xŏng tê ăm kong têa ê, ‘na tê mơdró, ‘no liăn cheăng ƀă hlối tơrŭm ODA.

Mâu Ngế xiâm tơpui kâ hiăng vâ môi tuăn pơtối tơrŭm krá tâ a mâu hneăng hôp tơpui hên tơdroăng, xuân môi tiah mâu tơdroăng tối kơpêng mê ‘na tơdroăng tung kơpong ƀă lâp plâi tơnêi ki rêm pâ rơhêng vâ ‘nâi plĕng.

 Gương tơplôu ƀă tơbleăng