VOV4.Sêdang - Kơxê hâi lơ 4/5, Đăi tươ̆ng Đỗ Bá Tỵ, Kăn xiâm phŏ hnê ngăn Kuô̆k hô̆i, Kăn cheăng tung Hô̆i đong tâ phĭu Tơnêi têa, Kăn pơkuâ Tiêuh ƀan gak kring tơniăn ƀă khăm pơlât ai roh séa ngăn ƀă pêi cheăng ƀă Vi ƀan tâ phĭu kong pơlê Bình Định. Troh nôkố, Vi ƀan tâ phĭu kong pơlê Bình Định hiăng mơjiâng 3 tíu tâ phĭu rah xo kăn teăng mâ Kuô̆k hô̆i, 19 tíu tâ phĭu Hô̆i đong kong pơlê, 110 tíu tâ phĭu rah xo Hô̆i đong kuăn pơlê râ tơring, pơlê krâm, pơlê kong kơdrâm ƀă vâ chê 1.200 tíu tâ phĭu Hô̆i đong kuăn pơlê râ cheăm, bêng. 

Nôkố, Bình Định tá hâi châ hlo ngế tro tâ pơreăng, laga kơvâ khăm pơlât hiăng hbrâ nhên troăng vâ hbrâ mơdât COVID 19; hbrâ hên troăng tơniăn gak kring. Xông tơpui a roh pêi cheăng, pôa Đỗ Bá Tỵ tối nhên, sap ing kố troh hâi tâ phĭu, Vi ƀan tâ phĭu kong pơlê Bình Định kal pơtối thăm pơtâng tối ƀă hên troăng, tŭm têk. Kơvâ khăm pơlât ai troăng vâ hbrâ mơdât pơreăng COVID 19 xông tâ tú a kong pơlê, rak tơniăn roh tâ phĭu tơkŭm po lĕm, tơniăn, kơdĭng.

A Sa Ly tơplôu ƀă tơbleăng