VOV4.Sêdang - Kơxo lơ 7/5, Khu kăn Hô̆i đong tâ phĭu Tơnêi têa xua pôa Đỗ Bá Tỵ, Kăn xiâm phŏ hnê ngăn Kuô̆k hô̆i, Ngế cheăng tung Hô̆i đong tâ phĭu Tơnêi têa, ngế pơkuâ Khu kring tơniăn, rak tơniăn ƀă ‘na pơkeăng pơlât pro ngế ki xiâm djâ khu kăn lăm pêi cheăng ƀă Vi ƀan Tâ phĭu kong pơlê Khánh Hòa tí tăng ngăn vâ ‘nâi mâu tơdroăng hbrâ tâ phĭu rah xo Kăn Kuô̆k hô̆i hneăng 15 ƀă Hô̆i đong hnê ngăn kuăn pơlê rêm râ, hneăng 2021-2026.

Tiô Vi ƀan Tâ phĭu kong pơlê Khánh Hòa, lâp tung kong pơlê ai lối 970 ngế kuăn pơlê lăm tâ phĭu, ƀă lối 960 kơpong tâ phĭu. Kong pơlê hiăng pro 3 tíu tâ phĭu rah xo kăn  Kuô̆k hô̆i hneăng 15, 14 tíu tâ phĭu rah xo kăn hnê ngăn Hô̆i đong kong pơlê. Pôa Đỗ Bá Tỵ hnê mơhno vâ hneăng tâ phĭu rah xo kăn Kuô̆k hô̆i ƀă Hô̆i đong hnê ngăn kuăn pơlê rêm râ pêi pro tơniăn tro tuăn kuăn pơlê, tro tiô luât, ‘nâi kơdĭng, Vi ƀan tâ phĭu kong pơlê thế đi đo séa ngăn, lăm ngăn tơdroăng tâ phĭu, ngăn nhên vâ ‘nâi mâu tơdroăng, kơxô̆ kuăn pơlê lăm tâ phĭu, malối kuăn pơlê ki dế lăm tơnăng ká a têa kơxĭ. Hlo rơ-iô dêi pơreăng COVID-19, pôa Đỗ Bá Tỵ thế kong pơlê Khánh Hòa tơbleăng nhên mâu tơdroăng hbrâ mơdât pơreăng.

Gương tơplôu ƀă tơbleăng