VOV4.Sêdang - Hâi lơ 9/6, pôa Phạm Minh Chính, Ngế pro xiâm hnê ngăn tơnêi têa hiăng kĭ pơkâ ‘na tơdroăng rah xo, pôk xo pôa Đỗ Tiến Sỹ to pro Kăn xiâm pơkuâ ngăn Rơ’jíu Việt Nam - VOV4. Ki nhên ga, ai pơkâ rah xo, pôk xo pôa Đỗ Tiến Sỹ-Mơngế cheăng tung Khu xiâm pơkuâ hnê ngăn Đảng, Kăn pơkuâ hnê ngăn Đảng kong pơlê Hưng Yên hneăng hơnăm 2020 - 2025, Kăn pơkuâ ngăn Kuô̆k hô̆i hneăng 14 kong pơlê Hưng Yên pro Kăn xiâm pơkuâ Rơ’jíu Việt Nam. Tung hlá mơ-eá pơkâ mê kô xêt khât sap ing hâi lơ 9/6. Pôa Đỗ Tiến Sỹ kot mâ hơnăm 1965; Pơlê xiâm: Cheăm Đình Dù, tơring Văn Lâm, kong pơlê Hưng Yên. Ngế cheăng tung Khu xiâm Đảng hneăng 12, 13, Kăn cheăng tung Kuô̆k hô̆i hneăng 14.

Pôa Đỗ Tiến Sỹ

Tơdroăng hriâm chính trị: Cử nhân; Tơdroăng hriâm cheăng: Thạc sĩ Quản trị Kinh doanh; Cử nhân Sư phạm Toán. Hdrối vâ pro Kăn xiâm pơkuâ ngăn Rơ’jíu Việt Nam-VOV, pôa  Đỗ Tiến Sỹ hiăng pêi pro hên tơdroăng cheăng: Kăn phŏ pơkuâ hnê ngăn, Kăn phŏ pơkuâ hnê ngăn Đảng má 1, Kăn pơkuâ hnê ngăn Đảng kong pơlê Hưng Yên; Kăn hnê ngăn Hô̆i đong kong pơlê Hưng Yên.

Gương tơplôu ƀă tơbleăng