VOV4.Sêdang - Kơxo lơ 12/4, tâi tâng mâu ngế cheăng Vi ƀan xiâm Măt trâ̆n Tơnêi têa Việt Nam hiăng tơkêa môi tuăn pôk pôa Đỗ Văn Chiến, kăn pơkuâ ngăn xiâm Đảng, kăn pơkuâ ngăn Đảng đoân Măt trâ̆n Tơnêi têa Việt Nam veăng tung Vi ƀan, Khu kăn hnê ngăn ƀă pro kăn xiâm hnê ngăn Vi ƀan xiâm Măt trâ̆n Tơnêi têa Việt Nam hneăng má 9, hơnăm 2019 – 2024 teăng pôa Trần Thanh Mẫn, Ngế cheăng tung Khu xiâm kal kí, kăn pơkuâ ngăn Đảng đoân, Kăn hnê ngăn Vi ƀan xiâm Măt trâ̆n Tơnêi têa Việt Nam, hơ’leh hnoăng cheăng ki ê.

Tơpui a Rôh hôp, pôa Đỗ Văn Chiến tơhrâ kô ôh tá la lâi pơtê ‘mâi rơnêu, hriâm pât tơdroăng kal kí, tơdroăng rêh ối, túa rêh ối têm rơpiât rơhêng vâ hriâm ƀối kơhnâ ƀă tơdroăng cheăng mơ-eăm khât vâ pêi klêi hnoăng cheăng ki châ pơcháu, pơtối tơbleăng châ tơƀrê hnoăng cheăng Măt trâ̆n Tơnêi têa veăng tung rôh tâ phĭu pôk kăn Kuô̆k hô̆i hneăng má 15 ƀă Hô̆i đong hnê ngăn rêm râ hơnăm 2021 – 2026.

Kat arina Nga t ơplôu ƀ ă t ơble ăng