VOV4.Sêdang - Drêng troh lêh kân Phật đản hơnăm 2021, Phật lịch 2565, hâi lơ 17/05 teăng mâ Vi ƀan xiâm Măt trâ̆n tơnêi têa Việt Nam. Pôa Đỗ Văn Chiến, Kăn hnê ngăn Đảng cheăng Khu xiâm kal kí, Kăn hnê ngăn Vi ƀan xiâm Măt trâ̆n tơnêi têa Việt Nam hiăng ai kơthô pơtroh rơkâu mâu kuăn pơlê tiô khôp Phop tung lâp tơnêi têa. Tung kơthô pôa Đỗ Văn Chiến rơkâu mâu tơdroăng ki lĕm má môi troh mâu Ngế xiâm pơkuâ ngăn tơdroăng khôp Phop, rơtế ƀă tâi tâng mâu jâ ƀok Phop, kuăn pơlê ki tiô khôp Phop Việt Nam.

Rơkâu tâi tâng mâu jâ ƀok Phop, kuăn pơlê ki tiô khôp Phop ối tung tơnêi têa ƀă a kong têa ê tơdah môi rơnó tĭng kân Phật đản hơniâp ro sôk xuâ, thăm tơrŭm môi tuăn dêi rơpó tung hdroâng mơngế. Tung pơla ai tơdroăng phiu ro troh leh tơbâ hâi mơjiâng roh má 2645 dêi ƀok Phop.

Klăng vâ chê troh Hâi leh kân dêi tâi tâng kuăn pơlê lăm tâ phĭu rah xo kăn Kuô̆k hô̆i ƀă Hô̆i đong hnê ngăn kuăn pơlê rêm râ, pôa Đỗ Văn Chiến loi khât Tơdroăng khôp Phop Việt Nam kơ pơtối  rak vế pêi pro tơdroăng ki lĕm tro, ki pơxúa ‘na mơhno ki lĕm tro, tuăn mơno lĕm ƀă xiâm dêi tơdroăng khôp Phop vâ rơtế ƀă kuăn pơlê tung lâp tơnêi têa kâi prôk tơkâ luâ mâu tơdroăng pá kân xua pơreăng COVID-19 tâ tú rôh kố.

Gương tơplôu ƀă tơbleăng