VOV4.Sêdang - A hneăng hôp pơla kố nah, Kuô̆k hô̆i hiăng têk kŏng môi tuăn tơbleăng ăm pêi pro Pơkâ kĭ rah xo pôa Hầu A Lềnh, Kăn cheăng tung Tíu xiâm Đảng, Kăn phŏ hnê ngăn, Kăn chêh tơm xo rơkong Viƀan xiâm Mât trâ̆n Tơnêi têa Việt Nam to pro Ngế xiâm, Kăn xiâm pơkuâ Viƀan hdroâng mơngế.

Pôa Hầu A Lềnh,Ngế xiâm, Kăn pơkuâ hdroâng mơngế

Pôa Hầu A Lềnh kot mâ hơnăm 1973, hdroâng kuăn ngo Mông. Pôa hriâm thak sih khoa hok loăng plâi. Khế 9/2015, châ Khu xiâm kal kí rah xo to pro Kăn phŏ pơkuâ Khu hnê mơhno Tây Bắc. A hneăng hôp Viƀan Xiâm Mât trâ̆n Tơnêi têa Việt Nam roh má 8 (hneăng VIII), Hneăng hôp hiăng tơpui tơno rah xo Kăn phŏ hnê ngăn – Kăn chêh tơm xo rơkong Viƀan xiâm Mât trâ̆n Tơnêi têa Việt Nam. Pôa Hầu A Lềnh cho Kăn cheăng tung Tíu xiâm Đảng mâu hneăng X, XI, XII, XIII. A hneăng hôp má 11 pơla kố nah, pôa châ Kuô̆k hô̆i rah xo pro Ngế xiâm, Kăn pơkuâ Viƀan hdroâng mơngế dêi Chin phuh hneăng hơnăm 2016 – 2021.

A Sa Ly tơplôu ƀă tơbleăng