VOV4.Sêdang -  Kơxê lơ 9/4, Pôa lê Minh Khái, Kăn xiâm pơkuâ hnê ngăn Đảng, Ngế pro xiâm phŏ hnê ngăn tơnêi têa rơtế ƀă mâu kăn Kuô̆k hô̆i  dêi khu kăn kong pơlê Bạc Liêu ai rôh trâm mâ kuăn pơlê a kong pơlê Bạc Liêu klêi rôh hôp roh má 11, Kuô̆k hô̆i  hneăng 14. Khu kăn tối tơbleăng ăm kuăn pơlê ‘na tơdroăng hiăng klêi hôp roh má 11, Kuô̆k hô̆i  hneăng 14 ƀă tơdroăng cheăng dêi Khu kăn kong pơlê Bạc Liêu hneăng 14, hneăng hơnăm 2016-2021.

Lê Minh Khái, Ngế pro xiâm phŏ hnê ngăn tơnêi têa tối tơbleăng a rôh trâm mâ kuăn pơlê

Kuăn pơlê dêi kong pơlê Bạc Liêu  tung hneăng hdrối nah. Kuăn pơlê xuân pâ thế mâu tơdroăng ƀă mâu kăn Kuô̆k hô̆i  kong pơlê mê cho: nôkố, inâi mâu kăn hnê ngăn chi bộ ki hlối pro kăn ngăn mâu kơtâu dế pêi cheăng trâm hên xơpá xua hnối pêi hene mâu tơdroăng cheăng, ‘na tơdroăng liăn ngân mơhá ăm kăn ƀô̆ cheăng a pơlê kơtâu nôkố iâ lối râ kal thế xéa ngăn mơdêk kơlo liăn kâ. Tơpui a rôh trâm mâ kuăn pơlê, pôa Lê Minh Khái tối mơnê kơ mâu kăn đảng kong pơlê, Hô̆i đong, Vi ban kong pơlê mâu kơvâ cheăng ƀă kuăn pơlê kong pơlê Bạc Liêu hiăng loi hât veăng kum ăm khu kăn Kuô̆k hô̆i  kong pơlê pê klêi tơdroăng cheăng tung hneăng má 14 ƀă mơnhên mâu tơdroăng  ki pâ thế ki kuăn pơlê pơkâ.

Gương tơplôu ƀă tơbleăng