VOV4.Sêdang - Kơxo lơ 12/5, pôa Nguyễn Đức Hải, kăn phŏ hnê ngăn Kuô̆k hô̆i rơtế ƀă mâu ngế ki tơbriât cheăng tung Kuô̆k hô̆i hneăng má 15 ai rôh trâm kuăn pơlê, mơhnhôk tâ phĭu tiô tơdroăng ki ‘no tơdrêng ing um tơvi a tíu tâ phĭu kơxô̆ 3, kong pơlê Quảng Nam. Teăng mâ mâu ngế ki tơbriât cheăng tung Kuô̆k hô̆i hneăng má 15, pôa Nguyễn Đức Hải, kăn xiâm phŏ hnê ngăn Kuô̆k hô̆i tơmâng xo mâu tơdroăng ki loi tơngah dêi kuăn pơlê pơtroh ăm mâu ngế ki tơbriât cheăng, tối rơdêi tâng châ pôk kăn cheăng tung Kuô̆k hô̆i hneăng má 15, kô đi đo mơ-eăm hriâm pât, tơrŭm krá, tăng ‘nâi hiâm mơno púi vâ, tơdroăng loi tơngah dêi kuăn pơlê; pêi lo liăn ƀă tối tơbleăng tơdrăng, rĕng tơpui tối, pâ thế dêi kuăn pơlê ƀă Kuô̆k hô̆i.

Pôa Nguyễn Đức Hải, kăn xiâm phŏ hnê ngăn Kuô̆k hô̆i tơpui a Rôh po hôp

Pôa Nguyễn Đức Hải tối tiah kố, tơdroăng ki loi tơngah dêi kuăn pơlê cho ivá vâ mâu ngế ki tơbriât pơtối hriâm pât, mơdêk ki rơkê plĕng ‘na tơpui ƀă pêi pro tung tơdroăng ki ai khât, pêi klêi hnoăng cheăng tung hnoăng cheăng ki châ pơcháu; Tơhrâ pơtối pêi pro hơ’lêh tơdroăng pêi pro dêi tơná tiô rêm hơnăm, tá hneăng cheăng.

Kataria na Nga tơplôu ƀă tơbleăng