VOV4.Sêdang - Hâi lơ 4/5, Khu kăn séa ngăn dêi Vi ƀan pơkuâ cheăng Kuô̆k hô̆i xua pôa Nguyễn Đức Hải, Kăn xiâm phŏ hnê ngăn Kuô̆k hô̆i pro ngế ki xiâm pơkuâ djâ khu kăn hiăng troh lăm séa ngăn tơdroăng hbrâ tâ phĭu rah xo kăn a kong pơlê Thừa Thiên Huế. A mâu tíu séa ngăn, pôa Nguyễn Đức Hải khĕn kơdeăn khât tơdroăng hbrâ tâ phĭu dêi mâu kăn kong pơlê drêng ai tơdroăng tơdjâk kân ‘na pơ’leăng mâ mơngế la xuân rak tơniăn mâu tơdroăng hnê tối, mơhnhôk kuăn pơlê lăm tâ phĭu.

Pêi cheăng ƀă Vi ƀan kong pơlê Thưà Thiên Huế,  pôa Nguyễn Đức Hải ơkâ thế Thừa Thiên Huế mơdêk séa ngăn tí tăng ngăn, tơdroăng hbrâ tâ phĭu rak tơniăn ‘na pơkeăng pơlât, tơdroăng hbrâ mơdât pơreăng COVID-10... veăng ăm rôh tâ phĭu po tơniăn tro tuăn kuăn pơlê, tro tiô luât cho hâi leh kân dêi tâi tâng kuăn pơlê.

Gương tơplôu ƀă tơbleăng