VOV4.Sêdang - Ƀơrô xiâm Đảng nếo tơkŭm po hneăng hôp tơmâng xo tơdroăng hnê tối dêi kuăn pơlê a tíu pêi cheăng ƀă mâu ngế mâu tơdroăng lo tơbriât pro kăn Kuô̆k hô̆i hneăng 15, tiô tơdroăng mơ’no tơdrêng tung um tơvi ing pái tíu mơ’no: Hà Nội, Pơlê kong kân Hồ Chí Minh ƀă Đà Nẵng. 

A hneăng hôp hiăng môi tuăn tơbleăng 5 ngế lo tơbriât pro kăn Kuô̆k hô̆i hneăng 15. Mâu tơdroăng hnê tối môi tuăn tiah kố, 5 ngế châ tơbleăng inâi xuân châ hriâm klêi tơdroăng pơkâ, ing râ cheăm ƀă hdrối nah hiăng pêi tơdroăng cheăng kân, ai hiâm, mơno lĕm, khên tơnôu ‘na tơdroăng kal kí krá kak, ai hriâm kơvâ cheăng ƀă tơdroăng cheăng pêi rơkê.

Mâu ngế ki mê cho mâu kăn ƀô̆ ki djâ troăng ahdrối, pêi cheăng tâi ivá tơná xua tơdroăng cheăng tơchoâm,’nâi achê ƀă tơmâng kuăn pơlê hnê tối, xua kuăn pơlê, pêi cheăng. Malối, pôa Nguyễn Phú Trọng đi đo cho ngế ki djâ troăng ahdrối ‘na tuăn ngôa rơkê, ai tuăn chân khên tơnôu ƀă rêh ối lĕm tro; cho ki tơngah khât dêi tâi tâng Đảng, tâi tâng kuăn pơlê ƀă tâi tâng mâu lêng pin.

Gương tơplôu ƀă tơbleăng