VOV4.Sêdang - Kơxo lơ 17/3, a Tíu pêi cheăng Kăn xiâm hnê ngăn tơnêi têa , Kăn teăng mâ kong têa Panama, cho pôa Eligio Alberto Salas De Leon, Kăn teăng mâ kong têa Singapore pôa Jaya Ratnam, Kăn teăng mâ kong têa Indonesia Denny Abdi hiăng pơtroh kơthô ăm pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa.

Pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tơdah mâu Kăn teăng mâ pơtroh kơthô

Klêi leh pơtrroh kơthô, pôa Nguyễn Phú Trọng hiăng tơdah mâu kăn teăng mâ. A rôh tơdah, pôa Nguyễn Phú Trọng loi khât ƀă tơdroăng hmâ pêi cheăng, ki rơkê ƀă ki hlê plĕng ‘na Việt Nam, mâu kăn teăng mâ kô pê klêi hnoăng cheăng pơcháu ăm tơná, mơdêk tơrŭm cheăng pơla Việt Nam ƀă mâu kong têa ki mâu kăn teăng mâ pêi cheăng.

Pôa Nguyễn Phú Trọng ăm ‘nâi, Việt Nam nếo tơkŭm po klêi Hneăng hôp Đảng tung lâp tơnêi têa roh má 13. Malối ‘na tơpui kâ, Hneăng hôp 13 tối Việt Nam kô pơtối pêi tro tiô troăng hơlâ tơpui kâ ki krê, ki pơkuâ dêi, hơniâp, tơrŭm, ƀă mơnhông mơdêk, hên túa, hên troăng hơlâ tơpui kâ; hnoăng cheăng Đảng tung lâp tơnêi têa, hbrâ tơrŭm ƀă tâi tâng, trâu rơdâ; mơdêk ƀă pro krá tâ tơrŭm cheăng pơla rêm pâ, tung mê, ai mâu kong têa ki mâu kăn teăng mâ ai pêi cheăng teăng mâ.

tơplôu ƀă tơbleăng