VOV4.Sêdang - Hâi lơ 5/4, pôa Nguyễn Phú Trọng, Kăn xiâm pơkuâ hnê ngăn Đảng hiăng krếo phôn tơpui tơno ƀă pôa Vladimir Putin, Kăn xiâm pơkuâ kong têa Rusi. Kăn xiâm pơkuâ kong têa Rusi hâk mơnê rơkâu tơdroăng ki hiăng klêi po tơniăn hneăng hôp mâu kăn tung lâp tơnêi têa roh má 13 dêi Đảng Kŏng sản Việt Nam, rơkâu pôa Nguyễn Phú Trọng châ rah xo pro Kăn xiâm pơkuâ hnê ngăn Đảng hneăng ki nếo 13. 

Pôa Nguyễn Phú Trọng, kăn xiâm pơkuâ hnê ngăn Đảng, Kăn xiâm hnê ngăn tơnêi têa krếo phôn tơpui ƀă kăn xiâm pơkuâ kong têa Rusi

Péa ngế Kăn xiâm tối nhên, tơdroăng tơrŭm pơla Việt Nam ƀă Rusi hlo mơnhông tơ-ƀrê tơniăn tung mâu tơdroăng cheăng. Tung la ngiâ, péa pâ kô pơtối mơ-eăm tơrŭm tung tŭm tơdroăng cheăng ‘na kring vế, ‘na cheăng lêng, ‘na on tơhrik, têa châu, cheăng kâ, tê mơdró, hnê hriâm, hnê mơhno tuăn ngôa rơkê, ôm hyô, hbrâ mơdât COVID-19, tung mê ai tơdroăng tơbleăng mâu tơdroăng ki pơrá phá dêi rơpó ‘na pơcháu hneăng cheăng, kơjo kum tí tăng ‘nâi plĕng ƀă pâk pơkeăng vaccine hbrâ mơdât pơreăng COVID-19 ƀă tơrŭm tung tơdroăng cheăng Đảng. 

Gương tơplôu ƀă tơbleăng