VOV4.Sêdang - A tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng trâm mâ pôa Ngụy Phượng Hòa, Ngế cheăng tung khu xiâm, Kăn xiâm pơkuâ ngăn lêng Sinuâ lăm pôu Việt Nam ƀă hlối veăng leh tơpui tơno tơrŭm cheăng lêng tíu tơkăng kong pơla Việt Nam - Sinuâ roh má 6 ƀă Tơpui ‘na tơdroăng cheăng lêng tơrá mâu kăn xiâm phŏ roh má 7 pơla Khu xiâm pơkuâ ngăn lêng peá tơnêi têa.

Pôa Nguyễn Phú Trọng, Kăn xiâm pơkuâ hnê ngăn Đảng rơkâu Sinuâ nếo tơkŭm po klêi rôh hôp má pŭn pơla péa pâ hneăng 13, ing tơdroăng pơkâ 5 hơnăm rôh má 14; Kăn xiâm pơkuâ hnê ngăn Đảng  tối nhoăm dêi Đảng, Tơnêi têa ƀă kuăn pơlê Việt Nam ƀă tơdroăng tơrŭm tung tâi tâng tơdroăng cheăng pơla Việt Nam - Sinuâ, tơdroăng tŏng kum dêi rơpó tung mâu tơdroăng cheăng Đảng - Tơnêi têa ƀă kuăn pơlê péa tơnêi têa; púi vâ péa Đảng, péa tơnêi têa pơtối mơ-eăm rak tơniăn hơniâp lĕm, tơrŭm ing tơdroăng nhoăm dêi rơpó pơrá péa pâ ai pơxuá, tơniăn, tơrŭm tung kơpong ƀă lâp plâi tơnêi.

Gương tơplôu ƀă tơleăng