VOV4.Sêdang -  Kơxê hâi lơ 8 khế 7 tiô chôu kong têa Mih, cho a kơxo hâi lơ 9 khế 7 tiô chôu Việt Nam, poâ Nguyễn Phú Trọng, Kăn xiâm pơkuâ hnê ngăn Đảng [a\ khu kăn xiâm Việt Nam hiăng veăng hôp tơpui tơno [a\ kăn teăng mâ mâu khu tê mơdró kân dêi kong têa Mih. Akố, poâ Nguyễn Phú Trọng hiăng tơpui tơno [a\ mâu grup pơkuâ kong têa Mih ‘na mâu tơdroăng cheăng kân ‘na cheăng kâ Việt Nam, mâu troăng hơlâ [a\ túa vâ pro tơ’lêi hlâu tung mơnhông mơdêk cheăng kâ, [a\ thăm tơru\m tâ mê nếo tung cheăng kâ – tê mơdró – mơ’no liăn cheăng pơla péa tơnêi têa Việt Nam [a\ Mih. 

Pôa Nguyễn Phú Trọng Kăn xiâm pơkuâ hnê ngăn tơnêi têa pin veăng hôp [ă khu kăn teăng mâ mơdró kâ dêi kong têa Mih.

Poâ Nguyễn Phú Trọng tối ăm ‘nâi vâ chiâng môi tíu xiâm cheăng kâ dêi kơpong [a\ lâp plâi tơnêi, Việt Nam dế tơku\m mơnhông tiô pái túa, mê cho hơ’lêh luât, mơnhông mơjiâng pro hngêi trăng, klông troăng [a\ hnê mâu ngế pêi cheăng. Poâ Nguyễn Phú Trọng mơnhên tối Việt Nam pơtối hơ’lêh kơchô tê mơdró tiô troăng tơniăn, tơdâng tơ’mô ăm mâu khu mơ’no liăn cheăng dêi kong têa ê, tung mê, ai mâu khu mơ’no liăn cheăng dêi kong têa Mih.

A Sa Ly tơplôu