VOV4.Sêdang - Kơxo 5/5, a Hà Nội, po leh tơbâ 70 hơnăm hâi mơjiâng kơvâ cheăng Hngêi rak liăn Tơnêi têa Việt Nam (06/05/1951 - 06/05/2021) ƀă tơdah xo Mê dai Pêi cheăng ối má Môi. Pôa Nguyễn Phú Trọng, Kăn xiâm pơkuâ hnê ngăn Đảng troh veăng leh ƀă tơbleăng. Tơbâ tơdroăng ton nah ki mơjiâng ƀă xông tơ-ƀrê dêi kơvâ hngêi rak liăn ngân, Ngế pơkuâ xiâm ‘na rak liăn ngân Tơnêi têa Việt Nam Nguyễn Thị Hồng tối nhên: Vâ ngăn tơchoâm troăng hơlâ cheăng 70 hơnăm hdrối, kơvâ hngêi rak liăn đi đo hâk tơngăm ‘na mâu hnoăng cheăng, veăng ‘no dêi kơvâ cheăng tung mơjiâng ƀă mơnhông tơnêi têa kring vế tơnêi têa.

Khên kơdeăn mâu hnoăng veăng ‘no dêi kơvâ hngêi rak liăn hiăng châ pêi pro, pôa Nguyễn Phú Trọng tối nhên: Vâ pêi mâu tơdroăng pơkâ mơnhông tơnêi têa, kơvâ hngêi rak liăn ƀă hnoăng cheăng cho  “Xiâm pơkâ ‘na cheăng  kâ” kal pơtối mơdêk tâi tâng, mơ-eăm tâ nếo, pơtối rak vế mâu tơdroăng ki pêi tơ-ƀrê ƀă ƀai hriâm châ tơ-ƀrê, kơtăng, mơ-eăm tơkâ luâ mâu tơdroăng pá, ki hâi pêi pro, vâ rĕng châ ‘nâi, chông djâ tơnêi têa mơnhông krá tơniăn tâ tung rơxông nếo.

Gương tơplôu ƀă tơbleăng