VOV4.Sêdang - A rôh pơxiâm po hneăng hôp má 11, Kuô̆k hô̆i hneăng má 14, pôa Pôa Nguyễn Phú Trọng, kăn xiâm pơkuâ hnê ngăn Đảng, kăn xiâm hnê ngăn tơnêi têa pơchuât hlá mơ-éa hnoăng cheăng 2016 – 2021 dêi kăn xiâm hnê ngăn tơnêi têa. Môi tung mâu hnoăng cheăng dêi hneăng hdrối nah cho tơdroăng ki séa ngăn hên mâu ngế cheăng xiâm dêi Tơnêi têa.

Pôa Nguyễn Phú Trọng, Kăn xiâm pơkuâ ngăn Đảng, kăn xiâm hnê ngăn tơnêi têa pơchuât hlá mơ-éa hnoăng cheăng 2016 – 2021 dêi Kăn xiâm hnê ngăn tơnêi têa nước

Kăn xiâm hnê ngăn tơnêi têa hiăng kĭ pơkâ ‘mot tơ’nôm 5 ngế pro xiâm hnê ngăn tơnêi têa, 21 ngế kăn xiâm ƀă mâu ngế cheăng ki ê dêi Chin phuh hơnăm 2016 – 2021. Pôa Nguyễn Phú Trọng, kăn xiâm pơkuâ ngăn Đảng, kăn xiâm hnê ngăn tơnêi têa hiăng ai hên tơdroăng cheăng tơpui kâ ki kal rak vế hnoăng pơkuâ tơnêi têa, mơdêk hnoăng cheăng ƀă loi tơngah dêi Việt Nam tung kơpong ƀă a kong têa ê.

Pôa Nguyễn Phú Trọng, Kăn xiâm pơkuâ ngăn Đảng, Kăn xiâm hnê ngăn tơnêi têa tối nhên, tơdroăng ki mơdêk hiâm mơno pâ nhuô̆m tơnêi têa, hiâm mơno rak tơniăn hdroâng kuăn ngo, ivá tơrŭm mâu hdroâng kuăn ngo ƀă tơdroăng ki rơhêng vâ mơnhông mơdêk tơnêi têa kro mơdrŏng, hơniâp ro cho  ƀai hriâm hriâm ki kal.

Tung la ngiâ, kal pơtối po rơdâ krá tơniăn ƀă mâu kong têa ê; pơkâ tơleăng tơtro, tơbrê tơrŭm cheăng ƀă mâu kong têa ki achê, mâu kong têa ki kân, mâu kong têa ki tơrŭm cheăng tung la ngiâ, tơrŭm tung tâi tâng ƀă mâu kong têa ki ê, rak vế tơdroăng ki hơniâp lĕm, tơniăn vâ mơnhông tơnêi têa.

Katarina Nga tơplôu ƀă tơbleăng