VOV4.Sêdang - Hâi lơ 24/5, pôa Nguyễn Xuân Phúc, Kăn xiâm hnê ngăn tơnêi têa hiăng krếo phôn tơpui tơno ƀă pôa Tập Cận Bình, Kăn xiâm hnê ngăn kong têa Sinuâ. A hneăng tơpui tơno, pôa Nguyễn Xuân Phúc tối, Đảng, Tơnêi têa ƀă kuăn pơlê Việt Nam pêi pro tiô troăng hơlâ tơpui kâ tơniăn, hên troăng, hên tơdroăng hơ’lêh nếo, tung mê, nhoăm mơnhông mơdêk tơrŭm cheăng pơla péa pâ tung tŭm tơdroăng cheăng ƀă Sinuâ. Kăn xiâm hnê ngăn tơnêi têa tối mâu tơdroăng ki kal mơdêk tơrŭm cheăng pơla péa pâ nhoăm dêi rơpó mê cho mơdêk loi nhoăm, mơdêk tơrŭm cheăng tung tŭm tơdroăng, ôh tá pơrah dêi rơpó, péa pâ rơtế ai pơxúa.

Pôa Nguyễn Xuân Phúc, Kăn xiâm hnê ngăn tơnêi têa krếo phôn tơpui ƀă kăn xiâm hnê ngăn Đảng, Kăn xiâm hnê ngăn kong têa Sinuâ

Pôa Tập Cận Bình, Kăn xiâm pơkuâ hnê ngăn Đảng, Kăn xiâm hnê ngăn  kong têa Sinuâ tối loi khât ing hnoăng pơkuâ rơkê dêi Đảng Kŏng sản Việt Nam, kuăn pơlê Việt Nam kô pêi châ tơƀrê mâu tơdroăng pơkâ, hnoăng cheăng pơcháu ki hneăng hôp kân Đảng roh má 13 ai pơkâ. Pôa tối, Đảng, Tơnêi têa ƀă kuăn pơlê Sinuâ nhoăm tơdroăng tơrŭm cheăng ƀă Việt Nam, púi vâ mơ-eăm rơtế ƀă Đảng, Tơnêi têa ƀă kuăn pơlê Việt Nam pơtối mơdêk tơrŭm cheăng ƀă mơdêk tơrŭm pơla péa tơnêi têa, mơnhông tơnêi têa Việt Nam pơtối mơdêk tơrŭm cheăng ƀă tơrŭm pơla péa tơnêi têa, vâ tơdroăng tơrŭm tung tơdroăng pơla Việt Nam - Sinuâ mơnhông tơ-ƀrê tâ.

Gương tơplôu tơbleăng