VOV4.Sêdang - Pôa Nguyễn Xuân Phúc, Kăn xiâm hnê ngăn tơnêi têa nếo troh pôu ngăn cheăm thôn pơlê nếo Tứ Xã, tơring Lâm Thao, kong pơlê Phú Thọ. Mơnhên tối khât tung pơla hdrối kố nah, Đảng ƀô̆, khu kăn pơkuâ ƀă kuăn pơlê cheăm hiăng tơrŭm, rơkê plĕng, mơhnhôk mâu kơxô̆ liăn veăng tơlo kum mơjiâng thôn pơlê nếo ƀă pêi klêi bu tung pơla 4 hơnăm, kăn xiâm hnê ngăn tơnêi têa pơkâ thế cheăm Tứ Xã, tơring Lâm Thao ƀă kong pơlê Phú Thọ hriăn ngăn tơdroăng ki mơnhông cheăm thôn pơlê nếo tiô túa nếo chiâng kơphô̆ tung tơdroăng khoa hok ƀă tơtro ƀă túa pơkâ mơnhông mơdêk cheăng kâ rêh ối.

Pôa Nguyễn Xuân Phúc, kăn xiâm hnê ngăn tơnêi têa lăm pôu kơ-êng kuăn pơlê

Hdrối vâ trâm mâ kuăn pơlê a cheăm Tứ Xã a Tôh kơphô̆ kơxô̆ 7, pôa Nguyễn Xuân Phúc hiăng pôu ngăn mâu kế tơmeăm hngêi trăng, troăng klông môi tiah kơchơ, plông kơtu ƀa long, troăng prôk dêi cheăm. Teăng mâ kăn pơkuâ Đảng, Tơnêi têa, pôa Nguyễn Xuân Phúc rơkâu Đảng ƀô̆ khu kăn pơkuâ ƀă kuăn pơlê cheăm Tứ Xã, tơring Lam Thao ‘na mâu tơdroăng ki pêi pro klêi tung mơjiâng thôn pơlê nếo tung pơla hdrối kố nah.

Kăn xiâm hnê ngăn tơnêi têa xuân mơnhên tối khât kong pơlê Phú Thọ tung mơnhông mơdêk tâi tâng cheăng kâ rêh ối pơlê pơla, tơtrŏng mơjiâng thôn pơlê nếo.

Nga tơplôu ƀă tơbleăng