VOV4.Sêdang -  Kơxo lơ 21/4, tơkéa vâ tối lơ 10/3 âm lĭt riân tiô mâ khế, a kơpong tíu tơbâ Đền Hùng, pơlê kong kơdâm Việt Trì, kong pơlê Phú Thọ hiăng po leh chôu nhang tơbâ hnoăng Khu Pơtáu Hùng, pôa Nguyễn Xuân Phúc, Kăn xiâm hnê ngăn tơnêi têa troh veăng leh chôu nháng. Rơtế veăng leh ai pôa Võ Văn Thưởng, Ngế cheăng tung khu xiâm kal kí, Ngế xiâm pơkuâ khu cheăng xiâm tơnêi têa;  jâ Trương Thị Mai, ngế cheăng tung khu xiâm kal kí, Ngế pơkuâ tơrŭm cheăng xiâm tơnêi têa; mâu kăn xiâm Đảng, tơnêi têa; Kăn pơkuâ mâu khu xiâm, kơvâ cheăng, kong pơlê.

Pôa Nguyễn Xuân Phúc, Kăn xiâm hnê ngăn tơnêi têa chôu nháng tơbâ kơ Khu Pơtáu Hùng

Hâi xối tơbâ Pơtáu Hùng cho hâi lâp tơnêi tea xối tơbâ, lâp tơnêi têa rơtế ô eăng hnoăng cheăng dêi Khu Pơtáu Hùng hiăng ai hnoăng mơjiâng ƀă rak vế tơnêi têa . Klêi pro leh xối tơbâ a Đền Thượng, pôa Nguyễn Xuân Phúc ƀă mâu khu ki veăng xối hiăng ‘măn hơvĭng reăng a tơnâp Pơtáu Hùng. Hơvĭng reăng mê ai chêh: Pâ troh ta ah Khu Pơtáu Hùng hiăng ai hnoăng mơjiâng kring vế tơnêi têa.

Klêi pleăng reăng, kăn xiâm hnê ngăn tơnêi têa ƀă mâu kăn pleăng reăng a um meăn Pôa Hồ tơpui ƀă mâu lêng ki tơplâ djâ troăng a hdrối.

Gương tơplôu ƀă tơbleăng