VOV4.Sêdang -  Hâi lơ 16/4, a Tíu pêi cheăng Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa hiăng tơdah pôa Daniel Kritenbrink, Kăn teăng mâ kong têa Mih a Việt Nam troh vâ pơtroh kơthô rơkâu dêi pôa Joe Biden, Kăn xiâm pơkuâ kong têa Mih klăng roh Kăn xiâm hnê ngăn tơnêi têa châ Kuô̆k hô̆i loi tơngah rah xo to pro Kăn xiâm hnê ngăn tơnêi têa Việt Nam ƀă koh mơgêi hneăng cheăng.

Pôa Nguyễn Xuân Phúc, Kăn xiâm hnê ngăn tơnêi têa tơdah pôa Daniel Kritenbrink, Kăn teăng mâ Mih

A roh tơdah, pôa Nguyễn Xuân Phúc, Kăn xiâm hnê ngăn tơnêi têa kheăn kơdeăn mâu  tơdroăng veăng kum dêi kăn teăng mâ kum djâ tơrŭm cheăng péa tơnêi têa pơtối mơnhông mơdêk châ tơƀrê, krá tơniăn, thăm mot trâu hơhngế tiô  tơdroăng nhuô̆m tơniăn lĕm hnoăng pơkuâ, tơniăn tâi tâng tơnêi tíu, troăng pêi kal kí dêi pó ƀă péa pâ ai pơxúa. Kăn xiâm hnê ngăn tơnêi têa rơkâu pôa Daniel Kritenbrink châ Kăn xiâm pơkuâ kong têa Mih loi tơngah, rah xo to pro Ngế kum cheăng Ngế xiâm tơpui kâ pơkuâ kơpong peăng mâ hâi lo châu Á – Thái Bình Dương, tơdrêng amê loi tơngah ƀă hnoăng cheăng nếo, kăn teăng mâ kô pơtối môi tuăn tơrŭm cheăng Việt Nam – Mih.

Sa Ly tơplôu ƀă tơbleăng