VOV4.Sêdang - Kơxo lơ 5/4, pôa Nguyễn Xuân Phúc, Kăn xiâm hnê ngăn tơnêi têa hiăng pêi pro tơdroăng tơkêa pá kơdâm hlá cơ Tơnêi têa, a ngiâ Kuô̆k hô̆i ƀă kơdrâm kuăn pơlê tung lâp tơnêi têa. Pơkâ ‘na tơdroăng rah xo pôa Nguyễn Xuân Phúc, to pro Kăn xiâm hnê ngăn tơnêi têa Kŏng hoa xah hô̆i chưu ngiah Việt Nam châ mâu kăn Kuô̆k hô̆i têk kŏng môi tuăn ƀă 468/468 mâu kăn môi tuăn.

Pôa Nguyễn Xuân Phúc, Kăn xiâm hnê ngăn tơnêi têa tơdah xo hnoăng cheăng

Xông tơpui klêi kơ’nâi hiăng tơdah hnoăng pro kăn, pôa Nguyễn Xuân Phúc tơkêa kô mơ-eăm tâi íva tơná, mơ-eăm vâ pêi pro mâu hnoăng cheăng ki Luât hiăng pơkâ ƀă kêi đeăng tơtro hnoăng cheăng dêi Đảng, Tơnêi têa ƀă Kuăn pơlê hiăng pơcháu. Tối nhên, túa pêi ki rơkê tơtro rơtế ƀă mâu tơdroăng châ tơƀrê lĕm ki mâu kăn pơkuâ ki hneăng hdrối ‘măn ăm, cho troăng prôk ki kơnía vâ Kăn xiâm hnê ngăn tơnêi têa ki nếo pơtối pêi tiô ƀă mơ-eăm kêi đeăng tơtro hnoăng cheăng dêi tơná drêng to pro Kăn xiâm hnê ngăn tơnêi têa.

A Sa Ly tơplôu ƀă tơbleăng