/VOV4.Sêng - “Mâu tíu pêi cheăng lêng thế djâ troăng ahdrối, pêt loăng ki lâi loăng ki mê thế chiâng, kơhnâ tí tăng ‘nâi plĕng tơdroăng pêt loăng kân vâ rak lăm lĕm hyôh kong prâi ton ta ah. Pơtối rak vế pêi pro hnoăng cheăng dêi khu kăn ‘na cheăng kâ, cheăng lêng ƀă mâu tíu pêi cheăng ki ai pơxúa ‘na tơnêi, tíu vâ pêt loăng, mơnhông pêt kong” .

Kố cho tơdroăng pơkâ thế dêi pôa Nguyễn Xuân Phúc, Kăn xiâm hnê ngăn tơnêi têa ƀă mâu tíu cheăng lêng đông lêng a leh mơhnhôk pêt loăng đi đo pâ Pôa Hồ, xua Khu xiâm pơkuâ ngăn lêng tơkŭm po a kơxo lơ 13/4 a kơpong tíu tơbâ ton nah K9 - Đá Chông, Ba Vì, Hà Nội.

Tiô tối tơbleăng dêi Khu xiâm pơkuâ ngăn lêng tơkăng kong, tung pơla hơnăm 2015-2020, tâi tâng mâu lêng hiăng pêt vâ chê 11 rơtuh xiâm loăng ngiât tŭm túa. Ing apoăng hơnăm troh nôkố mâu tíu pêi cheăng lêng hiăng pêt châ 1,5 rơtuh xiâm loăng ngiât, 737 ha kong, tâk 2,7 hdroh tâng vâ pơchông ƀă hơnăm hdrối.

Tâi tâng mâu lêng mơ-eăm pê klêi tơdroăng pơkâ pêt 3,3 rơtuh xiâm loăng ƀă 1 rơpâu 785 ha kong tung hơnăm kố. Kăn xiâm hnê ngăn tơnêi têa thế Khu xiâm pơkuâ ngăn lêng tơkăng kong tơkŭm mơdêk hnê tối tung kuăn pơlê, tung kăn ƀô̆, mâu lêng ‘na hnoăng cheăng pêi ki ai pơxúa dêi tơdroăng pêt loăng, pêt kong, hlối tơbleăng pêt ai pơxúa tơdroăng pơkâ pêt 1 rơtal xiâm loăng ngiât xua môi Việt Nam ngiât lĕm ƀă mâu tơdroăng pơkâ pêi nhên ai pơxúa.  

Gương tơplôu ƀă tơbleăng