VOV4.Sêdang - Kơxo lơ 14/5, a tơring Củ Chi, Pơlê kong kân Hồ Chí Minh, pôa Nguyễn Xuân Phúc, Kăn xiâm hnê ngăn tơnêi têa ƀă mâu ngế lo tơbriât pro kăn Kuô̆k hô̆i hneăng 15 trâm mâ kuăn pơlê tiô tơdroăng  mơ’no tơdrêng tung um tơvi. Tơpui a hâi trâm mâ, pôa Nguyễn Xuân Phúc tối nhên: Tâng cho Kăn Kuô̆k hô̆i mê ki hdrối thế tơmâng tơdroăng tơpui tối púi vâ dêi kuăn pơlê, tối teăm tơdrêng troh ăm Kuô̆k hô̆i, Đảng, Tơnêi têa, kơ koan khu râ pơkuâ cheăng tơleăng mơnhên mâu tơdroăng pâ thế, mâu tơdroăng hnê tối ki tro tơxâng dêi kuăn pơlê a tíu lo tơbriât pro kăn.

Kăn xiâm hnê ngăn tơnêi têa trâm mâ kuăn pơlê a tơring Củ Chi

Kăn xiâm hnê ngăn tơnêi têa ăm ‘nâi kô hbrâ veăng ‘no hnoăng mơdêk ki tơ-brê dêi tơdroăng cheăng mâu kăn Kuô̆k hô̆i Pơlê kong kân Hồ Chí Minh, khu kăn ki kân má môi dêi tơnêi têa. Pôa Nguyễn Xuân Phúc tơmâng khât troh tơdroăng tơbleăng pêi 4 tơdroăng mơnhông Pơlê kong kân Hồ Chí Minh hiăng pơkâ, tung mê, ai tơdroăng mơdêk ki tơ-brê mâu kơpong têa lân lu, kong prâi pro ôh tá tơniăn ƀă mơdêk ki tơbriât cheăng dêi pơlê kong kân, tơniăn hyôh kong prâi krúa lĕ.

Tâi tâng mâu kăn Kuô̆k hô̆i dêi pơlê kong kân tối tơchoâm ai hnoăng cheăng pêi tung mơjiâng Pơlê kong kân Hồ Chí Minh rơkê plĕng, pêi cheăng tiô túa nếo, ai tuăn pâ dêi rơpó, mơjiâng ƀă rak vế khôi túa lĕm tro.

Gương tơplôu ƀă tơbleăng