VOV4.Sêdang - Kơmăng lơ 24/3, pôa Nguyễn Xuân Phúc, Ngế pro xiâm hnê ngăn tơnêi têa hiăng krếo phôn tơpui tơno ƀă pôa Sebastian Piñera, Kăn xiâm pơkuâ kong têa Chile vâ tơpui tơno mâu troăng hơlâ ƀă tơdroăng pêi pro nhên tâ vâ mơdêk tơrŭm cheăng tung tŭm tơdroăng pơla Việt Nam-Chile. Pôa Nguyễn Xuân Phúc khĕn kơdeăn tơrŭm cheăng pơla Việt Nam - Chile hiăng hlo tơ-ƀrê rơdêi klêi kơ’nâi 50 hơnăm ƀă mơhno troăng hơlâ Việt Nam púi vâ pơtối pro trâu rơdâ tâ nếo tơrŭm pơla péa tơnêi têa, malối ‘na cheăng kâ, tê mơdró ƀă ‘no liăn cheăng.

Kăn xiâm pơkuâ kong têa Chile tối, Chile nhoăm tơdroăng tơrŭm ƀă Việt Nam, khĕn kơdeăn khât ki mơ-eăm tung pơla hdrối kố hía nah dêi Chin phuh Việt Nam tung hbrâ mơdât pơreăng Covid-19 ƀă pơtối rak vế ‘na mơnhông cheăng kâ.

Pôa Nguyễn Xuân Phúc, Ngế pro xiâm hnê ngăn tơnêi têa krếo phôn tơpui tơno ƀă Kăn xiâm pơkuâ kong têa  Chile

Peá ngế kăn xiâm hiăng vâ môi tuăn mâu tơdroăng mơnhông mơdêk tâ nếo tơrŭm cheăng ƀă dêi rơpó pơla peá tơnêi têa tung la ngiâ, tá tơdroăng pơtối hôp tơpui tơno tơrá khu kăn xiâm, tơbleăng pêi tơ-brê đi đo mâu luât tơrŭm cheăng, tơrŭm mơdêk tung hên tơdroăng tê mơdró ƀă tung kơpong pơla tơdroăng cheăng kâ ƀă tê mơdró lâp plâi tơnêi dế tro tơdjâk kân xua pơreăng kân Covid-19.

Gương tơplôu ƀă tơbleăng