VOV4.Sêdang - Pôa Nguyễn Xuân Phúc, Ngế pro xiâm hnê ngăn tơnêi têa pơkuâ hâi pêi cheăng ƀă kăn hnê ngăn Đảng pơlê kong kân Hà Nội. Kố cho roh má 9 tung hneăng ki kố Ngế pro xiâm hnê ngăn tơnêi têa pơkuâ pêi cheăng pơkuâ mâu hneăng hôp ƀă Hà Nội vâ tơmâng hnê mơhno tah tơdroăng ki xơpá tơvâ tơvân, ki pá, kum pơlê kong kân mơnhông mơdêk rơdêi tâ.

Nguyễn Xuân Phúc, Ngế pro xiâm hnê ngăn tơnêi têa pêi cheăng ƀă Kăn hnê ngăn Đảng pơlê kong kân Hà Nội

3 khế a poăng hơnăm kố, pơlê kong kân pơtối pêi tơƀrê “tơdroăng pơkâ tơpéa tơdroăng”, hlối hbrâ mơdât pơreăng ƀă tơdroăng “mơdât pơreăng môi tiah tơplâ xâ” hlối mơnhông tê mơdró. Tâi tâng mâu tơdroăng pơkâ, tê mơdró xuân hên tâ tâng vâ pơchông ƀă hơnăm nah.

Tơpui a hâi pêi cheăng, pôa Nguyễn Xuân Phúc tối nhên, Đảng, Tơnêi têa tơmâng khât tơdroăng mơnhông pơlê kong xiâm, tơdroăng mê châ mơhno tung mâu hơnăm hdrối mê hía nah hiăng hmâng ƀă tơleăng mơnhên klêi hên tơdroăng ki tối, pâ thế dêi Hà Nội lôi Hà Nội.

‘Na tơdroăng mơnhông mơdêk Hà Nội tung la ngiâ, pôa Nguyễn Xuân Phúc, Ngế pro xiâm hnê ngăn tơnêi têa tối nhên hnoăng cheăng ki xiâm ‘na cheăng kâ, kal kí, mơhno túa lĕm tro, trâm tơpui tơno ƀă mâu kong têa ê dêi lâp tơnêi têa, Khu xiâm tơkôm ngăn ‘na Pơlê kong xiâm. Xua mê, Hà Nội kal thế mơ-eăm vâ chiâng Pơlê kong xiâm hơniâp, tơniăn, kuăn pơlê mo dâi lĕm, châ ai tơmeăm khoăng, tuăn ngôa tơniăn há.

Gương tơplôu ƀă tơbleăng