VOV4.Sêdang - Kơxê lơ 17/3,  tơdah Kăn xiâm chêh tôm xo rơkong Hô̆i đong kring tơniăn kong têa Rusi Đăi tươ̆ng Patrusev Nikolai Platonovich, pôa Nguyễn Xuân Phúc, Ngế pro xiâm hnê ngăn tơnêi têa tế tối phiu ro ‘na tơdroăng Rusi tí tăng ‘nâi plĕng klêi tơniăn, hriăn pro pơkeăng pơlât ƀă vaccine hbrâ mơdât Covid-19; loi khât tiah kố, Rusi kô rĕng tơkâ luâ pơreăng kân.

Hneăng lăm pôu Việt Nam rôh kố dêi Kăn xiâm chêh tôm xo rơkong Hô̆i đong kring vế tơniăn kong têa Rusi ai pơxúa kân, pơtối po mâu tơdroăng pêi pro vâ troh leh tơbâ 70 hơnăm mơjiâng tơpui kâ pơla Việt Nam - Rusi, Ngế pro xiâm hnê ngăn tơnêi têa hâk vâ hlo tơdroăng cheăng pêi tơ-ƀrê dêi Khu kăn ƀă Khu xiâm kŏng an ƀă Khu xiâm pơkuâ ngăn lêng Việt Nam.

Tơdroăng amê, mơhno tối ki tơrŭm kring tơniăn, pơlê pơla tơnêi têa cho ki xiâm dêi tơrŭm tung tŭm tơdroăng cheăng pơla péa tơnêi têa. Ngế pro xiâm hnê ngăn tơnêi têa thế peăng Rusi pơtối mơdêk tơrŭm cheăng tung kơvâ cheăng lêng; tơplâ mơdât mâu ki pro xôi, xua tơdroăng vâ pro pơxúa ăm kuăn pơlê peá tơnêi têa, xua vâ hơniâp lĕm, tơniăn ƀă mơnhông tơ-ƀrê.

Gương tơplôu ƀă tơbleăng