VOV4.Sêdang - Kơxê lơ 17/3, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa tơdah pôa Meynardo Los Banos Montealegre, Kăn teăng mâ kong têa Philippines koh trâm mâ tơpui tơno. Pôa Nguyễn Xuân Phúc rơkâu pôa pôa Meynardo Los Banos Montealegre cho kăn teăng mâ pôu râng hnoăng cheăng dêi kong têa Philippines a Việt Nam ƀă tối ăm ‘nâi, tung mâu hơnăm hdrối, tơrŭm cheăng peá tơnêi têa mơnhông tơtêk lĕm tung hên kơvâ cheăng ki má lối cho tung kơvâ pơto tơmeăm khoăng drô têa kơxĭ.

Ngế pro xiâm hnê ngăn tơnêi têa loi tơngah kăn teăng mâ kô ai hneăng cheăng châ tơƀrê a Việt Nam. Ngế pro xiâm hnê ngăn tơnêi têa xuân tối ăm ‘nâi Việt Nam nôkố dế mơdât pơreăng Covid 19 ƀă mơdêk cheăng kâ hôm. Kố cho tơdroăng ki tơ’lêi ăm tơdroăng mơnhông mơdêk cheăng kâ – rêh ối pơlê pơla a Việt Nam.

Việt Nam đi đo nhuô̆m tơrŭm cheăng ton xŏn ƀă Philippines, tung mê tơrŭm tung kơvâ pơto tơmeăm khoăng drô têa kơxĭ cho kal khât. Ngế pro xiâm hnê ngăn tơnêi têa pơkâ thế péa tơnêi têa thăm tơrŭm tâ mê nếo  tung tê mơdró ƀă mơ’no liăn cheăng.

A Sa Ly tơplôu ƀă tơbleăng