VOV4.Sêdang - Hâi lơ 21-3, kong pơlê Long An hiăng tơkŭm pro leh hiăng pro klêi Kơpong hngêi kơmăi a kông kơno têa Phước Đông. Kơpong hngêi kơmăi kô ai tâi tâng tơnêi vâ chê 130 ha, a troăng prôk tơ’lêi hlâu tá troăng prôk chêng ƀă troăng têa, tơdjêp ƀă troăng kân 50, Pơlê kong kân Hồ Chí Minh ƀă mâu kong pơlê Tơbăng kroăng Cửu Long.

Troh veăng leh ƀă mơnhông mơdêk a hâi mơdĭng pro klêi, pôa Nguyễn Xuân Phúc tối, khĕn kơdeăn mâu hnoăng veăng ‘no, tơdroăng ki tơ’mot khu ‘no liăn cheăng tung hơnăm nah dêi kong pơlê Long An.

Ngế pro xiâm hnê ngăn thế kong pơlê Long An pro tơ’lêi hlâu, tơmâng khât, tăng troăng kơdroh tah mâu tơdroăng xahpá, tơvâ tơvân ăm khu mơdró, khu ‘no liăn cheăng, malối cho tung pơla dế ai pơreăng tâ tú ing Covid-19.

Pôa Nguyễn Xuân Phúc, Ngế pro xiâm hnê ngăn tơnêi têa veăng leh hiăng pro klêi hngêi kơmăi a kông kơno tuk  Phước Đông

Ngế pro xiâm hnê ngăn tơnêi têa pơkâ thế kong pơlê Long An pơtối tơmâng mơnhông tơmeăm ai hlâu, mơdêk tơ’mô pơla kơpong kơphô̆ ƀă thôn pơlê, thế ngăn nhên a mâu kơvâ cheăng kơmăi kơmok ki xiâm ai pơxúa tơchoâm vâ mơnhông mơdêk ‘na cheăng kơmăi kơmok ki dâi lĕm, kơmăi kơmok ki veăng kum. Ƀă ‘na pêi chiâk, tơkŭm xúa kơmăi ki dâi lĕm vâ mơdêk todroăng rêh ối dêi kuăn pơlê.

Gương tơplôu ƀă tơbleăng