VOV4.Sêdang - Kơxo lơ 16/3, pôa Phạm Bình Minh, Ngế pro xiâm phŏ hnê ngăn tơnêi têa, Ngế xiâm tơpui kâ hiăng krếo phôn kơ pôa Bruno Rodriguez Parrilla, Ngế pro xiâm tơpui kâ kong têa Cu-ba vâ tơpui ‘na troăng hơlâ, tơdroăng pơtối mơdêk tơrŭm cheăng pơla peá tơnêi têa. A rôh krếo phôn, pôa Phạm Bình Minh tối troăng hơlâ môi troăng hơlâ dêi Việt Nam cho ối achê tung tơrŭm, môi tuăn ƀă Cu-ba.

Ngế xiâm tơpui kâ kong têa Cuba ngăn nhoăm ƀă púi vâ tơrŭm trâu tâ nếo tơdroăng ki péa pâ tơrŭm tung tŭm tơdroăng cheăng ƀă Việt Nam, khĕn kơdeăn khât ki mơ-eăm dêi Việt Nam hbrâ mơdât pơreăng Covid-19, hlối pơtối rak ki mơnhông cheăng kâ. Péa Ngế xiâm tơpui kâ tối kô mơ-eăm  tơbleăng tơdroăng tơhrâ to khu râ kăn vâ thăm tơrŭm krá, tơrŭm tung tŭm tơdroăng cheăng pơla Việt Nam Cuba, tơbleăng pêi tơƀrê tơdroăng po hneăng hôp pơla péa pâ.

Gương tơplôu ƀă tơbleăng