VOV4.Sêdang - Drêng troh lêh tơbâ Hâi mơjiâng tơdroăng cheăng Đảng kong têa ê lơ 31/3, kơxo lơ 30/3, Ngế xiâm tơpui kâ tơkŭm trâm mâ drêng troh hâi mơjiâng 60 hơnăm, môi hvêa prôk ki tơ-ƀrê tung tơdroăng cheăng Đảng a kong têa ê’’ ƀă tơpui tơno ‘na “mơdêk ki tơ-ƀrê tơdroăng cheăng Đảng a kong têa ê tung pơla nôkố”, pôa Phạm Bình Minh troh veăng leh ƀă tối tơbleăng hnê mơhno.

Pôa Phạm Bình Minh, Ngế pro xiâm phŏ hnê ngăn tơnêi têa, Ngế xiâm tơpui kâ veăng trâm mâ mâu kăn cheăng ‘na Đảng a kong têa ê

A rôh tơpui tơno, pôa Phạm Bình Minh thế mâu kăn Đảng tung tơnêi têa ƀă kong têa ê mơdêk tơƀrê tâ nếo hnoăng cheăng, ‘nâi hbrâ rơnáu tung hriăn plĕng ki nếo, ai tuăn ‘nâi hriăn pêi mâu tơdroăng cheăng, tơdroăng hriâm dêi mâu kăn ƀô̆ đảng viên tung tŭm tơdroăng, mơjiâng khu kăn ƀô̆ ki pêi cheăng Đảng a kong têa ê rế ton rế rơdêi; tơdroăng cheăng mơjiâng Đảng ƀă thế tơrŭm krá mâu kăn pêi pro tro hnoăng cheăng pơcháu ‘na kal kí, hlối mơdêk hnoăng cheăng pơtối rak ki tơrŭm, veăng pêi dêi rêm râ, kơvâ cheăng, kong pơlê ƀă tơdroăng cheăng Đảng a kong têa ê.

Gương tơplôu ƀă tơbleăng