VOV4.Sêdang - Hâi lơ 30/3, a tíu pêi cheăng Chin phuh, pôa Phạm Bình Minh, Ngế pro xiâm phŏ hnê ngăn Chin phuh, Ngế xiâm tơpui kâ hiăng ai roh tơpui tơno mơ’no  tơdrêng tung um tơvi ƀă pôa John Kerry, kăn pêi tơdroăng kal dêi Kăn xiâm pơkuâ kong têa Mih ‘na kong prâi hơ’leh. Péa pâ môi tuăn kheăn kơdeăn tơrŭm cheăng tŭm têk pơla Việt Nam – Mih pơtối mơnhông mơdêk ó rơdêi tung tâi tâng mâu kơvâ cheăng, djâ pơxúa ăm kuăn pơlê péa tơnêi têa.

Pôa Phạm Bình Minh, Ngế pro xiâm phŏ hnê ngăn tơnêi têa tơpui tơno mơ’no tơdrêng tung um tơvi ƀă kăn pêi tơdroăng kal dêi Kăn xiâm pơkuâ kong têa Mih ‘na kong prâi hơ’leh

Pôa Phạm Bình Minh phiu ro Khu râ kăn pơkuâ kong têa Mih thăm tơkêa ƀă thăm pêi pro mâu tơdroăng mơ-eăm lâp plâi tơnêi vâ hbrâ ví kong prâi hơ’leh, tung mê, ai tơdroăng Mih vêh mot tung  tơdroăng tơkêa pro Paris ‘na kong prâi hơ’leh.

Ngế pro xiâm phŏ hnê ngăn tơnêi têa mơnhên, cho môi tung mâu kong têa tơdjâk ó má môi dêi kong prâi hơ’leh, ƀă troăng hơlâ ó rơdêi ƀă khŏm mơ-eăm hên ‘na kal kí, Việt Nam hiăng, dế ƀă kô môi tuăn mâu tơdroăng tơkêa bro lâp plâi tơnêi hnối tơrŭm krá tơniăn ƀă mâu kong têa vâ tơleăng mâu pơloăng mơnúa ‘na kong prâi hơ’leh, tung mê ai thăm tơrŭm ƀă Mih.

          A Sa Ly tơplôu ƀă tơbleăng