VOV4.Sêdang - Pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp tiah hmâ Chin phuh tơpui tơdroăng tâ phĭu rah xo kăn Kuô̆k hô̆i hneăng 15 ƀă Hô̆i đong hnê ngăn kuăn pơlê rêm râ hneăng 2021-2026 tung pơla ai pơreăng COVID-19 tâ tú rơ-iô. Mâu tơdroăng tối a rôh hôp vâ môi tuăn thế pơkâ troăng hơlâ nhên ƀă tơrêm kong pơlê ki ai tâ tú pơreăng COVID-19 hdrối, tung ƀă klê hâi tâ phĭu.

Pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp tơpui ‘na tơdroăng tơkŭm tâ phĭu

Khu xiâm ngăn pơkeăng hiăng pơkâ ‘na tơdroăng cheăng khăm pơlât ‘na hâi tâ phĭu, tơkŭm pêi 3 tơdroăng ki kal: Mơgrúa hngêi trăng plông troăng ƀă vâ rak tơniăn COVID-19; pêi krúa kế kâ; tơdroăng tŏng kum mâu ngế ki trâm pá. Khu xiâm ngăn pơkeăng pơlât hiăng tơkŭm po hnê ăm mâu tíu khăm pơlât sap ing tơring troh kong pơlê, hlối thế mâu kong pơlê séa ngăn, tí tăng ngăn.

Klêi hôp mê, Khu xiâm ngăn pơkeăng pơlât kô tơrŭm ƀă Khu xiâm ngăn tơdroăng cheăng pêi vâ hnê mơhno nhên, malối troăng hơlâ ƀă mâu kong pơlê tơring cheăm ki ai ngế dế pơlât. Mâu tơdroăng hnê tối a hneăng hôp xuân vâ môi tuăn, mê tơkŭm tâ phĭu tiô chôu, ối kơtăn, truâ kế pâng môh rơkong ƀă ăm tung veăng bâ phuâng.

Kơthung tâ phĭu ‘măn a kơpong ai tâ pơreăng thế xôh pơkeăng hdrối vâ riân phĭu, tơmâng xo mâu tơdroăng veăng hnê tối, tơdroăng ki tơpui mơgêi hneăng hôp, pôa Phạm Minh Chính tối nhên tơdroăng tơmâng séa ngăn hnoăng pơkuâ pêi tiô pơkâ vâ tơkŭm pêi tro khât rôh tâ phĭu. 

Gương tơplôu ƀă tơbleăng