VOV4.Sêdang - Hâi lơ 26/9, pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp ‘no tơdrêng triô troăng hyôh Internet ƀă khu mơdró ƀă mâu kong pơlê ‘na troăng rơhlâ tŏng kum khu mơdró tung pơla pơreăng COVID-19. Xông tơpui a rôh hôp, Ngế pro xiâm hnê ngăn tơnêi têa tối nhên,   tơdroăng mơ-eăm dêi khu mơdró tung tơnêi têa ƀă kong têa ê vâ rơtế hbrâ ví pơreăng kân COVID-19, tah xơpá, pơtối rak tơdroăng mơdró kâ. Tung la ngiâ, Ngế pro xiâm hnê ngăn tơnêi têa tối mâu khu xiâm kơvâ cheăng, kong pơlê tơbleăng kơtăng troăng rơhlâ dêi Đảng, Tơnêi têa pơkâ.

Pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp ‘no tơdrêng triô troăng hyôh Internet ƀă khu mơdró ƀă mâu kong pơlê ‘na troăng rơhlâ tŏng kum khu mơdró tung pơla pơreăng COVID-19

Khu xiâm ngăn tơdroăng pơkâ ƀă ‘no liăn cheăng rĕng chêh hlá mơ-éa tơdroăng ‘mâi mơnhông cheăng kâ, lăm êng mơnhên tơrêm kơvâ cheăng, kong pơlê. Pakĭng mê, mâu khu mơdró xuân kal thế mơjiâng pơkâ ‘mâi mơnhông pêi cheăng tê mơdró dêi tơná vâ hbrâ, rơnáu pơ’lêh tơdroăng ki nếo. Ngế pro xiâm hnê ngăn tơnêi têa tối, Chin phuh, mâu kăn kong pơlê rơtế veăng pêi, hnê tối, đi đo pro tơ’lêi hlâu má môi ƀă kum hên tâng khu mơdró, kuăn pơlê tung tơdroăng pêi cheăng kâ tê mơdró, malối tung pơla dế trâm xơpá nôkố. 

Gương tơplôu ƀă tơbleăng