VOV4.Sêdang - Kơxê lơ 6/4, a tíu pêi cheăng Chin phuh, rôh pôa Phạm Minh Chính châ rah xo pro Ngế pro xiâm hnê ngăn Chin phuh tơnêi têa Kŏng hoa xah hô̆i chuh ngiah Việt Nam, pôa Phankham Viphavanh, Ngế pro xiâm hnê ngăn Chin phuh kong têa Lếo ƀă pôa Samdech Techo Hun Sen, Ngế pro xiâm hnê ngăn kong têa Kul hiăng krếo phôn rơkâu.

Pôa Phạm Minh Chính, Ngế pro xiâm hnê ngăn tơnêi têa

Ngế pro xiâm hnê ngăn kong têa Lếo prế Ngế pro xiâm hnê ngăn kong têa Kul xuân tối loi tơngah a tơdroăng rah xo dêi khu kăn Đảng, Tơnêi têa ƀă kuăn pơlê Việt Nam, pôa Phạm Minh Chính kô pê klêi hnoăng cheăng pơcháu, kăn xiâm Chin phuh Việt Nam châ pêi tơƀrê hên tơdroăng ki nếo tung mơjiâng ƀă mơnhông tơnêi têa, ôh tá la lâi pơtê hnoăng cheăng dêi Việt Nam a tung kơpong ƀă tung lâp plâi tơnêi. Pôa Phạm Minh Chính, Ngế pro xiâm hnê ngăn hnê ngăn tơnêi têa ƀă pôa Phankham Viphavanh, Ngế pro xiâm hnê ngăn kong têa Lếo vâ môi tuăn mơdêk tâ mê nếo ki tơƀrê tung tơrŭm cheăng pơla péa Chin phuh, pêi tro mâu tơdroăng tơhrâ tơrá kăn xiâm ƀă tơdroăng tơpui a rôh hôp Vi ƀan tơrŭm cheăng pơla Chin phuh Việt Nam - Lếo roh má 43. Pôa Phạm Minh Chính ƀă pôa Hun Sen, ngế pro xiâm hnê ngăn kong têa Lếo vâ môi tuăn tơrŭm krá kak mâu hneăng hôp tơpui hên tơdroăng, rơtế ƀă mâu kong têa tung khu ki ê pơtối tơrŭm môi tuăn mơdêk pêi hnoăng cheăng xiâm dêi ASEAN.

Gương tơplôu ƀă tơbleăng a