VOV4.Sêdang - Kơxo lơ 13/5 , a Hà Nội, Khu hnê mơhnhôk cheăng xiâm tơnêi têa tơkŭm po Leh tơbleăng pơkâ dêi khu xiâm Kal kí ‘na tơdroăng mơhnhôk, xĭng xoăng tơdroăng cheăng pro kăn phŏ hnê mơhno cheăng xiâm Tơnêi têa a Hneăng hôp, pôa Hà Ban,  Kăn phŏ hnê ngăn khu tơrŭm cheăng xiâm tơnêi têa tơbleăng Pơkâ dêi khu xiâm kal kí ‘na tơdroăng tơbleăng inâi, xoăng hnoăng cheăng pro Kăn phŏ Khu hnê mơhnhôk cheăng xiâm Tơnêi têa.

Tiô pơkâ, pôa Phạm Tất Thắng, Ngế cheăng tung tíu xiâm Đảng, pơtê  pêi hnoăng cheăng pro Kăn phŏ pơkuâ Vi ƀan ngăn mơhno túa lĕm tro, Hnê hriâm, Droh rơtăm, Mâu phô̆m xông kân ƀă Vâi o dêi Kuô̆k hô̆i hneăng 14 vâ châ rah xo pro Kăn phŏ hnê ngăn Khu hnê mơhnhôk cheăng xiâm Tơnêi têa.

Tơpui drêng xo pêi hnoăng cheăng, pôa Phạm Tất Thắng tối kơ pơtối mơ-eăm pêi tơdroăng kal kí; hriâm tâp, rơnêu pât, rak tơniăn  tơdroăng ki lĕm tro, tơdroăng rêh ối ki lĕm tro; mơ-eăm pêi tro mâu tơdroăng cheăng pơcháu xua tơdroăng pêi tơchoâm dêi Khu hnê mơhnhôk xiâm tơnêi têa ƀă tơdroăng hnê mơhnhôk cheăng Đảng.

Gương tơplôu ƀă tơbleăng